Vendimet e qeverisë: Nga shpronësimet te marrëveshja e huasë për zhvillimin urban dhe turizmin
Këshilli i Ministrave në Shqipëri, të mërkurën e 1 qershorit ka miratuar një sërë vendimesh.
Konkretisht, shpronësimet për shkak të segmentit rrugor Tiranë-Elbasan, disa shtesa fondesh për buxhetin 2022 – për Start-up – plani 3-vjeçar në zbatim të strategjisë minerare, agjenda digjitale e Shqipërisë dhe ekzekutimi i vendimit të Gjykatës Evropiane për të Drejtat e Njeriut për çështjen “Fotaq Zaharia kundër Shqipërisë”.
Ministria e Infrastrukturës dhe Energjisë do të ngarkohet për kompensimin e plotë të vlerës së pronës për të gjitha ata që preken nga segmenti rrugor Tiranë-Elbasan.
Një tjetër vendim që i përket MIE-së ishte miratimi i programit të veprimit 3-vjeçar, për vitet 2022 – 2024, në zbatim të strategjisë minerare.
“Shfrytëzimi racional i rezervave minerare dhe miradministrimi i kësaj pasurie kombëtare. Mbrojtja e jetës së njerëzve dhe mjedisit”, thuhej në vendim.
Fondet shtesë
Qeveria miratoi vendimin për një shtesë fondi në buxhetin e vitit 2022 për Ministrinë e Financave dhe Ekonomisë, nga fondi rezervë i buxhetit të shtetit “për mbështetjen dhe zhvillimin e startup-eve”.
Sakaq, shtohet fondi prej 300 milionë lekë në buxhetin e miratuar për Agjencinë Shqiptare të Zhvillimit të Investimeve për vitin 2022, për zbatimin e ligjit nr.25/2022, “Për mbështetjen dhe zhvillimin e startup-eve”.
Strategjia e digjitalizimit
Një tjetër vendim që u mor gjatë kësaj dite ishte edhe miratimi i strategjisë ndërsektoriale “Agjenda digjitale e Shqipërisë” dhe të planit të veprimit 2022-2026.
Ndërsa u miratua dhe ekzekutimi i vendimit të Gjykatës Evropiane për të Drejtat e Njeriut, datë 9.12.2021, për çështjen “Fotaq Zaharia kundër Shqipërisë”.
Qeveria shqiptare do të paguajë shumën prej 13 mijë euro, për mbulimin e dëmit pasuror dhe jopasuror dhe 2 mijë euro, në lidhje me kostot dhe shpenzimet, plus çdo taksë që mund të jetë e aplikueshme.
Kjo vlerë do të konvertohet në lekë, në bazë të kursit të këmbimit të bankës ku depozitohen shumat, në datën e kryerjes së pagesës.
Sa i përket procesit të Rindërtimit u miratua në parim marrëveshja e huasë, ndërmjet Republikës së Shqipërisë dhe Bankës Ndërkombëtare për Rindërtim dhe Zhvillim.
Kjo ka të bëjë me financimin shtesë për projektin e zhvillimit të integruar urban dhe turizmin.
Të gjitha vendimet kanë hyrë në fuqi menjëherë dhe pritet botimi në “Fletoren zyrtare”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Forcat izraelite thonë se kanë nën kontroll anën lindore të Gazës, në kalimin Rafah
-
Meta mbledh Kryesinë e PL-së, merr zotim të çlirojë administratën nga korrupsioni dhe nepotizmi
-
Aksioni policor në Tepelenë zbulon shtëpinë e barit me mbi 230 rrënjë kanabis, shoqërohen 4 persona
-
Këlliçi çon Veliajn në SPAK, për lidhje me Ndrangheta-n
Lajmet kryesore
-
Kurti e di që dëmi i Zajednicës e eklipson çdo përfitim nga anëtarësimi në KiE
-
Azerbajxhani miraton heqjen e vizave me Shqipërinë
-
Osama Hamdane: Ne pranuam marrëveshjen e armëpushimit pa hequr dorë nga vijat tona të kuqe
-
Maqedonci kërkon që KFOR-i të qëndrojë në Kosovë derisa Serbia të demokratizohet