“Tirana do të ketë për herë të parë një ndërtesë kushtuar Teatrit Kombëtar, nëntë herë më të madhe dhe më moderne”.
Në fjalën e mbajtur në mbledhjen e Këshillit Bashkiak, kryetari i Bashkisë së Tiranës, Erion Veliaj, siguroi se “godina e re e teatrit do të realizohet dhe do të jetë e vendosur eksluzivisht në territorin e saj, pa i ngrënë asnjë centimetër”.
Veliaj ndër të tjera shtoi se ka 80 vite që diskutohet për teatrin dhe kurrë nuk u shpall monument kulture, ku thumboi sërish disa prej aktorëve:
“Kemi disa javë e muaj që diskutojmë ende për prishjen e Teatrit Kombëtar, një ndërtesë e cila nuk mbante më, sipas të gjitha studimeve, por sidomos sipas 99% të aktorëve dhe atyre që realisht punojnë aty, dhe jo në një parti politike”.
Kryetari i Bashkisë nuk ngurroi as të akuzonte opozitën mbi sjelljen e saj lidhur me çështjen e teatrit, duke theksuar se “askush nuk duhet të përputhë agjendat e qytetit me agjendat e dështuara politike”.
Komenteve të eksponentëve të opozitës se me ardhjen e tyre në pushtet, nuk do të zhvillohet projekti i teatrit të ri, Veliaj iu përgjigj se “sondazhet thonë se edhe këtë herë, partia juaj nuk fiton”.
“Lind pyetja: Po nëse partia juaj nuk fiton edhe kësaj herë? Po nëse nuk fiton as herën tjetër?! Po nëse nuk fiton në të ardhmen e afërt dhe të largët, do ta mbajmë peng vendin? S’besoj! Vendi duhet të ecë përpara”.
Që prej prishjes së godinës së Teatrit Kombëtar në 17 maj, Aleanca për Mbrojtjen e Teatrit dhe partitë opozitare zhvilluan protesta të shumta për të kundërshtuar ngritjen e një godine të re.
Prishja e teatrit erdhi pas rreth dy vitesh qëndresë të aktorëve në mbrojtje të godinës, ku përplasje pati edhe brenda rrethit të tyre mbi faktin nëse duhet një teatër i ri apo duhet rikonstruktuar struktura e të vjetrit.
Aktorët që kryen qëndresën, pas prishjes së teatrit, nisën dhe mbledhjen e firmave të qytetarëve për kundërshtinë e tyre ndaj prishjes së godinës.
Tashmë trualli i Teatrit Kombëtar është i rrethuar dhe siç ka bërë me dije Veliaj, puna për ndërtmin e godinës së re do të nisë së shpejti./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Greqia nuk do të dërgojë sisteme të mbrojtjes ajrore në Ukrainë pavarësisht presionit të BE-së
-
Bardhi i përgjigjet Ramës: Do ta kuptojë shumë shpejt nëse kam bërë apo jo kallëzim në SPAK
-
Basha: Ja vija blu që të bashkohemi rreth një alternative
-
Rama: Kallëzimi i pabërë i Bardhit iu shit si sapun për djathë italianëve