Turqia rriti taksën e karburantit me 200% për të mbuluar dëmet nga tërmeti

Turqia ka rritur taksat e karburantit me gati 200 për qind, duke shtuar potencialisht presionet inflacioniste në vend.

Lajmi është raportuar nga kompania “Bloomberg”.

Taksa të reja speciale aplikohen për konsumin e llojeve të ndryshme të karburantit, përfshirë benzinën dhe naftën.

Sipas një deklarate të Ministrisë së Financave, rritja e taksimit do të ndihmojë në plotësimin e nevojave për financim, pasojat e tërmeteve të shkurtit dhe do t’i lejojë ministrisë të mbajë rezerva të konsiderueshme parash.

Sipas vlerësimeve të qeverisë, tërmetet shkaktuan më shumë se 100 miliardë dollarë dëme.

Por vendimi pritet të rrisë edhe inflacionin, i cili aktualisht është në 38 për qind në vit.

Një seri rritjesh mund të shtyjë inflacionin në fund të vitit në rreth 60 për qind, tha Cem Cakmakli, profesor i asociuar i ekonomisë në Universitetin Koç të Stambollit.

Projektligji i ri synon të kompensojë një pjesë të barrës në anën fiskale duke hequr taksat e korporatave dhe duke dyfishuar tarifën për automjetet për vitin.

Të enjten, Turqia pothuajse dyfishoi normën e saj të interesit si pjesë e një lufte kundër inflacionit të lartë dhe për të tërhequr investime të huaja.

Inflacioni vjetor në Turqi ra në 38.21 për qind në qershor nga 39.59 për qind në muajin e kaluar, norma më e ulët që nga dhjetori 2021.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.