![](https://albanianpost.com/wp-content/uploads/2022/11/7ee1bba-resized-f663a-a533271-01.jpg)
Ministria e Mbrojtjes e Turqisë raportoi të shtunën e 19 nëntorit për goditjet ndaj bazave kurde në Siri dhe Irak.
Lajmi u bë i ditur nga “CNN Turk”, duke iu referuar Ministrisë së Mbrojtjes së Turqisë.
Në mesazh thuhet se ky është fillimi i një “operacioni ajror anti-terrorist”.
Ankaraja zyrtare thekson se kjo është një përgjigje ndaj sulmeve terroriste që ndodhën në vend javën e kaluar.
Sipas raportit, Forcat e Armatosura Turke kryen operacione ajrore në zonat e Sirisë Tel Rifat, Maranez, Derbesiye, Malikiyya, Ain el-Arab, Karachok, Ain Dagne dhe në Irak – Sinjar, Suleimaniya, Kandil.
Shpërthimi në Stamboll ndodhi në rrugën popullore për këmbësorë Istiklal pasditen e së dielës, 13 nëntor.
Vendi i shpërthimit është gjashtë minuta në këmbë nga sheshi qendror Taksim.
Sipas të dhënave të fundit, si pasojë e shpërthimit, 6 persona kanë humbur jetën dhe 81 të tjerë janë plagosur, 39 personat e fundit, tashmë kanë dalë nga spitalet pas ndihmës së dhënë.
Pesë prej të shtruarve janë në terapi intensive.
Mëngjesin e 14 tetorit u raportua për ndalimin e një gruaje, e cila sipas punonjësve të rendit, kishte lënë lëndë plasëse në rrugë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Zvicra përkohësisht merr kreun e grupit A, Skoci-Hungari në baraspeshë
-
Shkaktoi aksidentin ku humbi jetën një person – arrestohet zyrtari policor
-
Ndihmësi i Sekretarit të Brendshëm britanik thotë se politika e Ruandës është ‘m**’, në regjistrimet e zbuluara
-
Për fajin e qeverisë u vendosën masat e BE-së, për fajin e qeverisë s’po largohen krejtësisht