Të gjithë tablosë i mungonte veçse një pjesëz nga formuesja dhe atë tashmë e kemi.
Cassidy Hutchinson, ish-këshilltare në ekipin e shefit të kabinetit të Donald Trump, Mark Meadows, ka dëshmuar përpara Komitetit të Posaçëm për sulmin e 6 janarit në Capitol Hill dhe ato çfarë ka thënë për ish-kreun e Shtëpisë së Bardhë, Donald Trump, si të thuash…e përshkruajnë atë si një “përbindësh” të vërtetë.
Një situatë madje tërësisht alogjike e përshkruan Hutchinson, ku Trump është përleshur me një prej agjentëve të shërbimeve sekrete amerikane, pasi ka tentuar të marrë drejtimin e veturës presidenciale, për ta çuar atë drejt Capitolit, ku mbështetësit e tij po protestonin kundrejt fitores së Joe Biden në zgjedhjet e fundvitit 2020.
Këtë gjë, Trump e ka hedhur poshtë shumë herë më parë gjatë seancave dëgjimore. Asnjë nga bashkëpunëtorët e tij nuk e pati pranuar gjithashtu ndodhinë.
Por, Hutchinson, ishte e prerë: Ka ndodhur!
Ndër të tjera, ajo e përshkruan Trumpin si një “president të mllefosur”, gjatë 6 janarit.
“Unë jam presidenti dreqi e mori”, u pati bërtitur Trumpi agjentëve sekretë, vetëm për të shkuar në Capitol Hill e për të nxitur turmën e mbështetësve të rrëzonin votimin pro Joe Bidenit. “Më çoni atje tani!”, u kishte bërtitur ai tërësisht i mllefosur agjentëve”.
Një reagim ndërkaq ka ardhur nga shërbimet sekrete, duke bërë me dije se të dy punonjësit ishin të gatshëm që nën betim, të jepnin dëshminë e tyre mbi ngjarjen, duke theksuar se ata nuk ishin sulmuar në asnjë çast fizikisht nga ish-presidenti.
Mirëpo, horrori i vërtetë, nuk lidhet aspak me këtë ngjarje, pasi ka edhe më keq në atë çfarë Hutchinson tregon dhe gjithçka, lidhet këtë herë me figurën e Mike Pence, ish-numrit dy në Shtëpinë e Bardhë.
Në çastin kur Trump ishte në Capitol Hill, mbështetësit e tij patën filluar thirrjet se Mike Pence – në atë çast po certifikonte zgjedhjen e Joe Biden si president – duhej varur për këtë që po bënte.
Trump, sipas Hutchinson, kishte pohuar, duke thënë se po, Pence e meritonte të varej.
Pavarësisht se këto nuk cilësohen si prova të mirëfillta, e gjithë dëshmia shkaktoi një reagim të paimagjinueshëm tek të pranishmit në sallë dhe i gjithë opinioni publik.
Ndoshta, pak është të thuhet se Trump në këtë rast, është përshkruar si një përbindësh i vërtetë…
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Osmani kërkon mbështetjen e Zvicrës për anëtarësimin e Kosovës në KiE
-
Gerard Depardieu lirohet pas marrjes në pyetje në lidhje me sulmet e dyshuara seksuale
-
Vuçiç: Shanset e Kosovës për anëtarësim në KiE janë të mëdha
-
BE duhet të zgjerohet ose të përballet me ‘Perden e re të Hekurt’, paralajmëron Michel
Lajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Stoltenberg qorton aleatët për mbështetjen e vakët ndaj Ukrainës
-
Osmani kërkon mbështetjen e Zvicrës për anëtarësimin e Kosovës në KiE
