Trump i ka thënë Pence se certifikimi i zgjedhjeve 2021 do të ishte “vrasje e karrierës politike”
Donald Trump i ka thënë zëvendëspresidentit të tij, Mike Pence, se refuzimi për të bllokuar certifikimin e fitores zgjedhore të Joe Biden të vitit 2021 në Capitol do të ishte “vrasje e karrierës politike”.
Kështu rezulton sipas dëshmisë së sapo publikuar nga një punonjës presidencial.
“Mike, kjo është vrasje e karrierës politike nëse e bën”, mësohet t’i ketë thënë ai Pence me telefon në mëngjesin e 6 janarit, ka raportuasr New York Times.
Po ashtu thuhet se dëshmitari ka thënë se Trump nuk u shqetësua kur iu tha se një civil ishte qëlluar për vdekje teksa Capitol u sulmua.
“Nuk pati asnjë reagim”.
Gruaja që u vra, Ashli Babbitt, është bërë martire e ekstremit të djathtë Trumpist. Trump e ka quajtur atë një “patriote të madhe”.
Oficeri i policisë që e qëlloi jashtë Dhomës së Përfaqësuesve u lirua nga keqbërja, një gjykim me të cilin Trump nuk ishte dakord.
Tetë vdekje të tjera tani janë të lidhura me sulmin në Capitol, i cili ndodhi pasi Trump u tha mbështetësve “të luftojnë” për të përmbysur fitoren e Biden, e cila sipas Trump ishte rezultat i mashtrimit zgjedhor.
Më shumë se 1 mijë e 200 arrestime janë bërë për shkak të trazirave dhe janë siguruar qindra dënime.
Trump u fajësua për nxitje të një kryengritjeje, por u lirua nga republikanët e Senatit.
Ai tani është kandidati i supozuar republikan për president, pavarësisht se përballet me 88 akuza penale dhe dënime shumëmilionëshe në padi civile.
Gjykata e Lartë e SHBA-ve hodhi poshtë përpjekjet për të mbajtur Trump jashtë votimit sipas amendamentit të 14-të të kushtetutës, i cili ndalon kryengritësit nga detyra.
Gazeta sakaq ka raportuar se e ka marrë transkriptin e dëshmisë së punonjësit nga republikanët e Dhomës së Përfaqësuesve.
Ata pretendojnë se komiteti i 6 janarit hoqi dorë nga seancat e tij dhe raportoi çdo gjë që nuk i përshtatej narracionit të tij.
Transkriptet që kundërshtojnë dëshminë e bujshme nga Cassidy Hutchinson, një ndihmës i ngushtë i shefit të shtabit të fundit të Trump, Mark Meadows, tashmë janë publikuar.
Punonjësi mësohet të ketë thënë gjithashtu se dëgjoi Trump të pyeste ndihmësit se si të dërgonin trupat e gardës kombëtare në Capitol, një dislokim që zgjati disa orë ndërsa mbretëroi kaosi dhe një çështje e diskutueshme që atëherë.
Po ashtu ai ka përshkruar “mosbesimin” midis stafit të Shtëpisë së Bardhë pasi situata në Capitol u përkeqësua dhe Trump vazhdoi të shikonte TV.
Pence u shpëtoi rebelëve dhe përfundimisht u kthye në Capitol për të kryesuar certifikimin, pavarësisht kundërshtimeve nga 147 republikanë në Dhomë dhe Senat.
Sipas punonjësit, presidenti përmendi se ai e “zhgënjeu” dhe se “kaq ishte”.
Megjithatë, Trump ka pasur të drejtë në lidhje me Pence që ka kryer një “vrasje të karrierës politike”.
I portretizuar si hero nga komiteti i 6 janarit, Pence kandidoi kundër Trump për nominimin presidencial republikan.
Duke mos pasur ndikim, ai u tërhoq shumë përpara votimit të parë paraprak.
Javën e kaluar, ai mori një masë hakmarrjeje – duke refuzuar të mbështeste Trump në revanshin e tij me Biden.
Por Pence ka thënë gjithashtu se dallimet e tij me Trump nuk janë “personale” – dhe ka refuzuar të thotë se nuk do të votonte për të.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gjykata Ndërkombëtare e Krimeve mund të kërkojë arrestimin e Netanyahut, Gallant dhe Halevit
-
Vdiq Ali Lajçi – ikona e “Pranverës ‘81”
-
Martens: Berlini e Parisi synojnë ta shtyjnë votimin për anëtarësimin e Kosovës në Këshillin e Evropës
-
Ahmeti, Mickoski-t për “emisarët”: Kristijan, kam hyrë në politikë si kryengritës, s’dal puthadorë
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”