Është divorcuar pas 21 vitesh martesë një çift amerikan. Shkak, është bërë fushata presidenciale Trump-Biden, në zgjedhjet e fundit të mbajtura në SHBA.
Jackie Fairley, një infermiere nga SHBA-ja, e ka bërë të ditur këtë fakt në Twitter. “Konspiracionet dhe Trump-i u bënë më të rëndësishëm”, shkruan ajo. “E shkatërruar, por do ta kaloj këtë situatë”.
Ajo ka postuar dhe mesazhin e fundit që kishte marrë nga ish-bashkëshorti. Ajo ka ironizuar, duke shkruar se “mori një mesazh shumë të këndshëm në mëngjes”.
Ofendime të shumta viheshin re në tekst. “Qepe budallaqe. Ti nuk di asgjë”, ishin fjalët e ish-bashkëshortit të Jackie-t.
Fyerjet ndaj Joe Biden binin në sy në mesazh. “Ti mbështet një pedofil satanik si Biden”.
Ai shkruante dhe për konspiracione. “Kanalet e lajmeve dhe multimedia janë të kontrolluara”.
“A do të qash kur Trump-i të betohet sërish si president?”, shkruan ai. “Do të jesh pjesë e 5-6% të njerëzimit që refuzojnë të zgjohen edhe kur i tregohet e vërteta?”, përmbyllet mesazhi.
Fushata Trump-Biden ka qenë e mbushur me teori konspirative. Kjo për faktin se situata e Covid-19 dhe vaksinimit ka ngritur teori të shumta. Biden ka qenë i përfshirë në shumë konspiracione në lidhje me vaksinat dhe raportet e tij me filantropët.
Pavarësisht se kanë qenë pjesë e një fushate të mbushur me akuza ndaj njëri-tjetrit, Trump dhe Biden këtë herë janë bërë bashkë, për të qenë “kumbarë” të një divorci amerikan./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Euro 2024 hyn në ditën e katërt: Tre takime të rezervuara, zbresin në fushë favoritët e Francës
-
Kina nis hetim për prodhimet e mishit të derrit të importuara nga BE
-
Minos mbërrin, temperatura deri në 40°: Zgjidhni mirë veshjet, ushqimet dhe pijet
-
Hezbollah: Izraeli nuk do të arrijë asgjë përmes politikës apo luftës
Lajmet kryesore
-
Berisha humb gjyqin në Londër, mbetet non grata në Britani
-
Rrumbullaku urdhëron thellimin e procesit të verifikimit të integritetit të punonjësve të Policisë
-
NATO në bisedime për të vendosur më shumë armë bërthamore, thotë Stoltenberg
-
Osmani takon presidentin e Kenias, por njohja nuk është akoma gati