YouTuber-i, Jake Paul, pësoi humbjen e parë të karrierës së tij të re të boksit të dielën mbrëma, duke u mposhtur me vendim të ndarë nga gjyqtarët nga Tommy Fury (vëllai i Tyson Fury-t) në meçin që u zhvillua në Arabinë Saudite.
Dy gjyqtarë kishin vendosur ndeshjen 76-73 për Fury-n, ndërsa i treti vendosi 75-74 në favor të Pauli-t, gjë që i dha fitoren Fury-t në ndeshjen me tetë raunde në “Diriyah Arena” të kryeqytetit Riad.
“Në ngjarjen time të parë kryesore, 23 vjeç, kisha botën mbi supet e mia dhe ia dola”, tha Fury pas luftës.
“Kjo, për mua, është një luftë për titullin botëror. Unë u stërvita shumë për këtë. Ky ishte fati im”, shtoi Fury.
The Truth is revealed! Tommy Fury gets the decision win over Jake Paul! 🥊#PaulFury pic.twitter.com/YZIiNqtB8P
— Boxing on BT Sport 🥊 (@BTSportBoxing) February 26, 2023
Paul, një amerikan 26-vjeçar me më shumë se 20 milionë abonentë në YouTube, tani ka gjashtë fitore dhe vetëm këtë humbje, ndërsa Fury mbetet i pamposhtur me nëntë fitore, pasi një kohë ishte jashtë boksit për të luajtur në “reality show” “Love Island”.
Miliona fansa e ndoqën këtë ndeshje në televizor dhe ashtu si një luftë e vërtetë për titullin e botës, kishte shumë yje në palestër, duke përfshirë ish-kampionin Mike Tyson, superyllin e futbollit Cristiano Ronaldo-n dhe komedianin Kevin Hart.
Fury lëshoi goditjen e tij herët për ta mbajtur Paul në distancë, por YouTuber-i fitoi vrull në raundin e pestë, duke u duk se mahniti Fury-n.
Të dyve iu zbritën pikë – Paul-it në raundin pestin për shtyrjen e kokës së kundërshtarit të tij duke shtrënguar dhe Fury në të gjashtin për shumë goditje, një taktikë mbrojtëse që shpesh lejohet vetëm për periudha të shkurtra kohore.
Fury u rrëzua në raundin e tetë nga një goditje e shkurtë nga Paul, por ishte tepër vonë, pasi tashmë gjyqtarët i kishin vendosur pikët në favor të britanikut Fury.
Paul tha se ai synonte të përdorte një klauzolë të revanshit për meçin e së dielës që mund të ushtrohej nëse Fury fitonte.
“Me gjithë respekt për Tommy, ai fitoi, mos më gjykoni nga fitoret e mia, më gjykoni nga humbjet e mia. Do të kthehem, mendova se e meritoja atë revansh, ishte një luftë e madhe, një luftë e ngushtë”, tha Paul pas meçit.
Kujtojmë që Paul e filloi karrierën në boks vetëm në vitin 2018, por që atëherë kishte regjistruar gjashtë fitore para të dielës – duke përfshirë katër nokaut.
Fury, megjithatë, ishte boksieri i parë profesionist me të cilin u përball Paul.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
