Djelmoshat e Kosovës në basketboll, kanë shënuar tjetër fitore bindëse ndaj Moldavisë, me rezultat 122:42, në FIBA European Challenger U16.
Në Pallatin e Rinisë dhe Sporteve, në Prishtinë, 16-vjeçarët e filluan shumë mirë takimin, duke dominuar qysh në fillim ndaj modaleve, derisa çereku i parë u mbyll me rezultat 34:15.
Edhe çereku i dytë, ashtu sikurse e gjithë ndeshja ishte në favor të Kosovës, teksa pas 20 minutave lojë, shifrat në semafor ishin 60:25 në favor të djelmoshave kosovarë.
Çereku i tretë ishte një dominim i mrekullueshëm i dardanëve, pasi që e fituan me shifrat 37:3, ndërsa edhe të katërtin e fituan bindshëm me rezultat 25:14, për rezultatin përfundimtar 122:42.
Me këtë fitore Kosova pozicionohet në vendin e parë në grup, me katër pikë të grumbulluara, e ndjekur nga Malta e Gjibraltari me nga tri, kurse Shqipëria dhe Moldavia pozicionohen të fundit me nga një pikë, por edhe me një ndeshje më pak.
Te Kosova u dalluan Arlind Konjuhi me 26 pikë, Eris Zeneli me 22 dhe Rron Dahsyla me 9 pikë, 7 kërcime dhe 6 asistime.
Derisa, kjo ishte fitorja e dytë radhazi për Kosovën, pas asaj ndaj Maltës, duke kryesuar grupin, kurse të mërkurën (nesër) përballet me Gjibraltarin.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kearns bën thirrje të publikohen të gjeturat e sulmit në Banjë, kërkon që Kosovës mos t’i bëhet presion për Asociacionin
-
Gjykata Evropiane vendos: EncroChat dhe SkyECC nuk cilësohen prova
-
Mashtrime me vlerë 10 milionë euro – SPAK shkatërron bazën me 10 mijë raste mashtrimi në Tiranë
-
Kryeziu tenton t’ia “ilustrojë” Stanos “de-përshkallëzimin” në veri: Prandaj, masat duhet të hiqen