TikTok dhe influencer-it e paguar nga Rusia për të bërë propagandë

Rusia shfrytëzon çdo mjet për të ushqyer propagandën e saj, veçanërisht në rrjetet sociale të njohura si ai TikTok.

Për të luftuar grupet e hakerëve pro-ukrainas, të cilët po përpiqen këto ditë të shkatërrojnë lajmet e manipuluara nga Kremlin-i, Moska mbështetet qindra influencues në TikTok: rreth 500 ata që tashmë janë kontaktuar në 12 muajt e fundit, janë paguar për të bërë lojën ruse në platformën dixhitale të ByteDance.

Sipas raporteve nga gazeta kanadeze “Vice”, rusët kanë financuar shumë llogari të njohura në rrjetin social më të përdorur nga moshat nën 20 vjeç për të treguar operacionin ushtarak të Kremlini-t në Ukrainë sipas një narrative që është afër pozicionit të Vladimir Putin.

Shumë nga këto fushata u koordinuan përmes kanaleve të krijuara ad hoc në aplikacionin e mesazheve të çastit Telegram, me biseda të ndryshme në të cilat ndikuesve u sugjerohej se çfarë të thoshin dhe çfarë përmbajtje të postonin dhe të shpërndanin, duke përfshirë video dhe imazhe.

Edhe përdorimi i hashtag-ëve nuk është i rastësishëm, në një praktikë që filloi me pushtimin e Ukrainës më 24 shkurt dhe që tashmë ka arritur në miliona llogari, me një rritje të ndjekësve të të njëjtëve yje krijuese të tyre, e tashmë shumë të njohur në nivel masiv.

Fushata e dezinformimit nuk u ndal as me pezullimin e aktiviteteve në vend nga vetë rrjeti social, me pamundësinë e ngarkimit të videove për ata që jetojnë në Rusi. Përmbajtja e postuar tashmë vazhdon të shpërndahet sërish dhe në Telegram është një administrator anonim, ndoshta një gazetar, që koordinon aktivitetin e tyre.

Citimet, titrat, përmendjet, hashtag-ët dhe emoji për t’u përdorur, gjithçka është zgjedhur me kujdes në mënyrë që llogaritë e ndikuesve të përfshirë të ndjekin të njëjtën linjë, duke shmangur kontradiktat dhe elementet divergjente.

Fushata paguhet me të njëjtën shumë që ndikuesit do të kërkonin për çdo përmbajtje tjetër të sponsorizuar. Të paguara nga 2 mijë deri në 20 mijë rubla, për shkak të vlerës së monedhës ruse aktualisht në rënie të fortë, prandaj flasim për shifra që variojnë nga 13 deri në 136 euro afërsisht.

Shumë nga përmbajtjet dhe videot që shpërndahen kanë të bëjnë me referenca ndaj fjalive dhe fjalimeve të shqiptuara nga vetë Vladimir Putin. Ndër argumentet, referenca e vazhdueshme që bën lideri i Kremlinit janë thirrjet ndaj grupeve të ndryshme etnike në Rusi, dhe për rrjedhojë edhe pakicave, për t’iu bashkuar konfliktit dhe për të mbrojtur kauzën e Moskës.

Mes përmbajtjeve të shpërndara në këtë mënyrë, do të ishte edhe gatishmëria e ukrainasve për të kryer gjenocid ndaj rusëve në Donbass, një objektiv që është ndjekur në tetë vitet e fundit.

E gjithë kjo për të justifikuar pushtimin e Ukrainës nga ushtria ruse, sikur të mos ishte gjë tjetër veçse një reagim ndaj sjelljeve agresive të kryera ndër vite nga Kiev-i në pjesën lindore të vendit, ku banorët janë kryesisht rusishtfolës.

Nuk është hera e parë, sipas “Vice”, sepse fushata të ngjashme mediatike u koordinuan edhe në Lojërat Olimpike Dimërore të Soçit në 2014, për të siguruar fuqinë e ekonomisë ruse dhe gjatë pandemisë, për të promovuar vaksinën Sputnik.

Në shumë prej postimeve të fundit, influencuesi @d00zenn, po aq i ri sa 901 mijë ndjekësit e tij, shfaqet me uniformën e ushtrisë ruse, duke kënduar në playback këngët popullore nga vendi i tij.

Një strategji komunikimi që kujton një nga potencialet më efektive të platformës, duke tërhequr vëmendjen e përdoruesve përmes videove të shkurtra muzikore.

Një tjetër rast është blogerja klasike e modës, @tvoya_malyshka001_,  e cila ka pothuajse 2 milionë ndjekësit (aktualisht 1.8 milionë). Përmes shumë përmbajtjeve që lidhen me modën, mundën të shihen video ad hoc për të ngritur moralin dhe ndjenjën nacionaliste ruse dhe në të njëjtën kohë për të ngjallur një ndjenjë anti- amerikane, me komunikim të menjëhershëm dhe efektiv kundër kapitalizmit perëndimor.

Ndër influencuer-it e punësuar në fushatën e mediave sociale të Kremlini-t janë edhe Roldozzzer (@roldozzzer) dhe Kirill Felix (@kirill_felix). Këto janë pseudonimet me të cilat njihen dy adoleshentët.

Të veshur si shumë të tjerë të njohur në TikTok, ata ndajnë video argëtuese që nxjerrin në pah monumentet arkitekturore ruse (dhe madje edhe vajza të bukura), duke e  çuar në ekstremitet identitetin dhe ndjenjën e përkatësisë kombëtare.

Megjithatë, Shtetet e Bashkuara nuk rrinë duarkryq dhe janë plotësisht të vetëdijshme për rreziqet që hasin përdoruesit më të papërvojë përballë një fushate kaq të mirë-orkestruar në TikTok.

Shtëpia e Bardhë, sipas “Ëashington Post”, dëshiron t’i përgjigjet rusëve me monedhën e tyre. Këshilli i Sigurisë Kombëtare duket se ka kontaktuar tashmë influencuesit më të shquar për të treguar konfliktin me tone diametralisht të kundërta në krahasim me krijuesit e përmbajtjeve pro-ruse.

Kjo është një nga mënyrat si po zhvillohet lufta në Ukrainë, të paktën nga ana mediatike.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.