Ish-ylli i Juventus-it, Carlos Tevez, është shtruar në spital pasi ndjeu shtrëngim në gjoks dhe po i nënshtrohet ekzaminimeve mjekësore, njoftoi klubi i tij Independiente.
Tevez, trajneri aktual i klubit argjentinas Independiente, u shtrua në spital mbrëmjen e së martës.
“Trajneri ynë, Carlos Tevez, hyri në Sanatoriumin La Trinidad në San Isidro me dhimbje gjoksi”, tha klubi në X.
“Ata kanë kryer testet përkatëse dhe kanë qenë të kënaqshme. Nesër ai do të vazhdojë me një sërë provimesh të planifikuara paraprakisht si pjesë e një kontrolli të përgjithshëm që kryhet zakonisht”, vijonte njoftimi.
Siç raportohet nga “La Gazzetta dello Sport”, Tevez tashmë luftoi me dhimbje gjoksi tetorin e kaluar, kur u rrëzua në shtëpi, duke goditur kokën.
Kjo është arsyeja pse mjekët kishin caktuar tashmë disa analiza për ish-sulmuesin që u kthye në spital mbrëmjen e djeshme.
Ish-sulmues i Boca, Corinthians, West Ham, Manchester United, Manchester City, Juventus dhe Shanghai Shenhua, Tevez fitoi dy tituj të Serie A, një Superkupë dhe një Kupë të Italisë me gjigantët e Serie A, duke shënuar 50 gola në 96 paraqitje në Torino.
Ai u largua nga klubi në vitin 2015 duke u kthyer te Boca Juniors. Tevez u emërua nga Independiente më 22 gusht 2023.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel
