E ardhmja e Chelsea-t mbetet disi e paqartë, veçanërisht me afatin e fundit për ofertat për blerjen e klubit nga Roman Abramovich që kalon të premten pasdite, por tani duket sikur John Terry po kërkon të blejë një pakicë të aksioneve në klubin që ai përfaqësonte si kapiten.
Si personazhi në fushë i epokës më të suksesshme të Chelsea-t, Terry ruan një marrëdhënie të ngushtë me klubin dhe ai shpreson të përfitojë nga kjo lidhje dhe të sigurojë një 10 për qind të aksioneve në klub.
Terry thuhet se po kërkon të lejojë fansat të blejnë token e tifozëve në këmbim të kenë të drejtë vote në vendime.
Mbështetësit e Chelsea-t do të jenë në gjendje t’i blejnë ato token për rreth 100 paund, megjithëse nuk është e qartë se për çfarë do të lejohen të votojnë.
Terry nuk mund të përballojë të financojë një ofertë të plotë për blerje me çmimin prej rreth 2.5 miliardë euro që po diskutohet për të gjithë klubin, megjithatë besohet se ai do të mbledhë mjaftueshëm fonde për një 10 për qind të aksioneve.
Për shkak të marrëdhënies së tij pozitive me klubin, një nga pengesat më problematike tashmë është negociuar nga ish-reprezentuesi anglez, me ofertën e tij që ka fituar mbështetjen e besimit të tifozëve të klubit dhe pronarëve të fushës së Chelsea, të cilët janë pjesë përbërëse e së ardhmes.
“Chelsea ka qenë një pjesë shumë e rëndësishme e jetës sime për 22 vjet”, tha Terry.
“Dua të shoh historinë dhe trashëgiminë e klubit të mbrojtur ndërsa kalojmë në një epokë të re me njerëz me mendje të njëjtë, të cilët kanë të njëjtin vizion afatgjatë për të ndërtuar klubin më të mirë të futbollit në botë. Ne e kuptojmë se sa e rëndësishme është ADN-ja jonë”, shtoi ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
