Të shtënat në një kishë në 2017-n, Forcat Ajrore të SHBA-ve dëmshpërblim 230 milionë dollarë viktimave

Një gjykatës federal urdhëroi Forcat Ajrore të SHBA-ve të hënën të paguajnë më shumë se 230 milionë dollarë për të mbijetuarit dhe familjet e viktimave të një sulmi në vitin 2017 në një kishë në Texas, sepse Forcat Ajrore nuk kishin raportuar historinë kriminale të të armatosurit.

Në vendimin e tij, gjykatësi shkroi se Forcat Ajrore mund të kishin bllokuar të armatosurin, Devin P. Kelley, i cili kishte shërbyer në një bazë të Forcave Ajrore në New Mexico.

Ai vrau 26 njerëz më 5 nëntor 2017, në Kishën e Parë Baptiste në Sutherland Springs, Texas.

Për dështimin për të raportuar dënimin e Kelley-it në vitin 2012 për sulm në familje, Forcat Ajrore duhet t’u paguajnë dëme viktimave për “dhimbjen dhe vuajtjen e tyre, ankthin mendor, shpërfytyrimin, dëmtimin dhe humbjen e shoqërimit”, shkroi gjykatësi.

Ai shtoi se rasti ishte “i paprecedentë në lloj dhe shtrirje”.

Vendimi erdhi në një padi të ngritur kundër qeverisë federale nga familjet e viktimave.

“Në fund të fundit, nuk ka asnjë mënyrë të kënaqshme për të përcaktuar vlerën e dhimbjes së këtyre familjeve”, shkroi gjykatësi.

Në korrik, gjykatësi Rodriguez vendosi se Forcat Ajrore ishin “60 për qind përgjegjëse” për masakrën.

Sipas ligjit federal, Kelley nuk duhej të ishte lejuar të blinte pushkën e stilit ushtarak ose tre armët e tjera që kishte marrë para të shtënave.

Ai i bleu armët pasi u dënua për sulm në familje ndaj gruas dhe djalit të tij, të cilit pranoi se kishte plasaritur kafkën.

Kelley mori një shkarkim “të keq” nga Forcat Ajrore në 2014 pas gati pesë vitesh shërbim.

Pas të shtënave, Forcat Ajrore e pranuan gabimin e saj, duke thënë se duhej të kishte raportuar dënimin e Kelley-it në Byronë Federale të Hetimit.

Një dënim duhet ta kishte penguar atë të blinte armë.

Forca Ajrore pas të shtënave, gjithashtu, tha se po shqyrtonte nëse dënimet e tjera ishin lënë të paraportuara në mënyrë të gabuar në një bazë të dhënash federale për kontrollet e historikut të armëve të zjarrit.

Jamal Alsaffar, një nga avokatët që përfaqësonte viktimat, të hënën mbrëma tha se familjet u lehtësuan nga vendimi.

Të hënën mbrëma, Ann Stefanek, një zëdhënëse e Forcave Ajrore, tha se planifikonte të apelonte vendimin.

Më 15 nëntor 2017, Kelley hyri në një shërbim të së dielës në një kishë të vogël baptiste dhe qëlloi mbi famullitë që adhuronin në stolat.

Viktimat varionin nga mosha 5 deri në 72 vjeç dhe mes të vdekurve ishte një grua shtatzënë dhe vajza 14-vjeçare e pastorit.

Një fqinj qëlloi dy herë Kelley-in, teksa doli nga kisha ai u hodh në makinën e tij dhe udhëhoqi fqinjin dhe një burrë tjetër në një ndjekje me makinë.

Personi i armatosur përplasi makinën e tij dhe u gjet i vdekur pas timonit, ku zyrtarët thanë se kishte qëlluar veten në kokë.

Në vendimin e tij prej 185 faqesh, gjykatësi numëroi dëmet që i shkaktuan të shtënat secilës viktimë dhe disa nga anëtarët e familjes së tyre, duke arritur në rreth 80 persona. Çmimi më i lartë i vetëm ishte 7 milionë dollarë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.