Një adoleshent u vra, ndërsa një oficer policie dhe dy persona të tjerë u qëlluan të dielën e 19 qershorit në Washington-in Veriperëndimor pas një koncerti.
Lajmi u bë i ditur nga e përditshmja amerikane “The Washington Post”, duke cituar zyrtarët e policisë.
Adoleshenti ishte 15 vjeç, tha shefi i policisë së DC-së Robert J. Contee III në një konferencë shtypi.
Të shtënat u regjistruan pranë rrugëve 14 dhe U NW.
Oficeri u godit në këmbë, zbuloi policia, dhe dy personat e tjerë të qëlluar po trajtoheshin në spitale.
Arsyeja që çoi në të shtënat me armë nuk ishte menjëherë e qartë.
Bazuar në dëshmitë fillestare, incidenti pasoi një koncert të lidhur me festën e 11 qershorit në këtë distrikt.
Koncerti u reklamua me emrin Moechella, emri i dhënë për koncertet e mbajtura disa vite më parë për të protestuar kundër shtypjes së perceptuar të muzikës go-go dhe kulturës me ngjyrë në përgjithësi.
Ai ishte caktuar të zhvillohej nga ora 16:00 deri në orën 20:00.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
