Ballkani ka bërë hap fals në xhiron e 31-të në Albi Mall Superligën e Kosovës, duke barazuar në udhëtim te Dukagjini me rezultat 1:1.
Me këtë rezultat, tani tabela e ka liderin e ri dhe ajo është Drita.
Ndeshja në Klinë në përgjithësi ishte e dominuar nga Ballkani, por ata nuk arritën të depërtojnë në zonën e kundërshtarit.
Derisa therandasit kërkonin, Dukagjini arriti të shënojë e para, kur në minutën e 72-të realizoi Khomutov për 1:0.
Krejt në fund të ndeshjes, Ballkani arriti ta barazojë rezultatin, gol i cili njëherë u anulua nga gjyqtari anësor si pozicion jashtë loje, por ai u pranua me anë të rishikimit të sistemit VAR.
Vlen të ceket se më meritori për këtë barazim te Dukagjini ishte poriteri Kenan Haxhihamza, i cili me disa pritje fantastike ia mohoi fitoren Ballkanit.
Me këtë barazim, tani Drita gëzohet vendit të parë me 63 pikë, një më shumë sesa Ballkani.
Ndërkohë dy ndeshjet e tjera të ditës së sotme të kësaj xhiroje u mbyllën pa gola.
Prishtina luajti pa gola ndaj Llapit, njëjtë sikurse Trepça’89 ndaj Gjilanit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit