Sulmet në Kabul, forcat amerikane sulmojnë bombarduesit IS-K

Forcat amerikane në Kabul kanë nisur një sulm ushtarak “mbrojtës” kundër një automjeti që mbante “kamikazë të shumtë vetëvrasës” nga filiali lokal i Shtetit Islamik në Afganistan, të cilët synonin të sulmonin aeroportin.

Sipas zyrtarëve amerikanë ka asnjё tё dhёnё tё menjёhershme mbi viktimat, apo detaje të tjera lidhur me incidentin, i cili mund të ketë shkaktuar një shpërthim të dytë në një banësё aty pranë.

Dëshmitarët raportuan një shpërthim pranë aeroportit të Kabulit dhe pamjet televizive treguan tym të zi duke u ngritur në qiell. Zyrtarët talebanë konfirmuan pёrfaqёsinё amerikane. Sipas raporteve kishte viktima të shumta, përfshirë fëmijë.

Shtetet e Bashkuara(SHBA) kanё thënë se po “vlerësojnё mundësitë” për të vrarë ose plagosur civilë në sulmin ajror, i cili erdhi tre ditë pas një sulmi vetëvrasës në aeroport që vrau më shumë se 180 njerëz, përfshirë 13 marinsa amerikanë.

Shteti Islamik në Provincën Khorasan (ISKP) mori përgjegjësinë për bombardimin në aeroport, një nga më vdekjeprurës në historinë e Afganistanit.

Grupi përdor emrin e përdorur nga sundimtarët perandorakë myslimanë për një sipërfaqe territori që përfshin Afganistanin e sotëm dhe ka luftuar një betejë të gjatë të hidhur me talebanët që nga themelimi i tij shtatë vjet më parë.

Zabihullah Mujahid, një zëdhënës i talebanëve, raportoi pёr viktima tё civilëve në sulmin amerikan, si dhe deklaruan se një shtëpi ishte goditur.

Bilal Kareemi, një zëdhënës tjetër i talebanëve, tha pёr CNN se “nuk duhet të kryehen operacione në tokën e të tjerëve” dhe se SHBA-të duhet t’i kishin informuar talebanët.

Talebanët dhe forcat amerikane kanë rritur sigurinë rreth aeroportit që nga sulmi i së enjtes. Zëdhënësi i Pentagonit John Kirby tha të shtunën, se Washington-i besonte se kishte ende kërcënime “specifike dhe të besueshme” kundër aeroportit.

Transporti ajror nga rreth 20 vende në të cilat dhjetëra mijëra njerëz janë evakuuar nga aeroporti i Kabulit që kur talebanët morën kontrollin dy javë më parë po përfundon.

Britania përfundoi fluturimet e saj të evakuimit ditёn e shtunë, por aeroplanët e ngarkesave ushtarake amerikane vazhduan fluturimet e tyre të dielën para afatit më 31 gusht të caktuar nga Joe Biden për të tërhequr të gjithë trupat nga lufta më e gjatë e Amerikës.

Presidenti amerikan paralajmёroi se do të bёnte përgjegjës për bombardimin e së enjtes, duke goditur në një vend sipas zgjedhjes së tij.

ISKP u detyrua të largohej nga bastionet në provincën lindore të Nangarhar nga ofensivat e SHBA-ve, qeverisë afgane dhe talebanëve vitin e kaluar.

Që atëherë është rigrupuar, duke mbajtur disa rrjete në lindje të Afganistanit dhe duke krijuar rrjete të reja në Kabul.

Një sulm me dron amerikan në Afganistan vrau dy “planifikues dhe lehtësues” të IKSP të cilët po udhëtonin me një makinë pranë qytetit lindor të Jalalabad rreth mesnatës së së premtes, sipas zyrtarëve amerikan.

ISKP i sheh talebanët si femohues, duke akuzuar sundimtarët e rinj të Afganistanit si “nacionalistë të ndyrë” të cilët kanë komprometuar besimin e tyre duke negociuar me SHBA-tё dhe fuqitë e tjera ndërkombëtare.

Në një raport të fundit të përpiluar nga inteligjenca e ofruar nga vendet anëtare, OKB tha se ISKP ishte zvogëluar në mes tё 1 mijё e 500 dhe 2 mijё e 200 luftëtarëve, por vuri në dukje se grupi kishte intensifikuar fushatën e tij të dhunës këtë vit.

Kush janë IS-K

Isis -K – ose siç quhet ndryshe, Provinca Khorasan e Shtetit Islamik (ISKP) – është degë rajonale e Shtetit Islamik (IS) që është aktiv në Afganistan dhe Pakistan.

Ky është grupi më ekstrem dhe më i dhunshëm nga të gjitha grupet militante xhihadiste në Afganistan.

U krijua në janar të vitit 2015 në kulmin e fuqisë së IS-it në Irak dhe Siri, para se kalifati i saj i vetëshpallur të ishte “çmontuar” nga një koalicion i udhëhequr nga SHBA-të.

Ai rekruton persona nga xhihadistët afganë edhe nga ato pakistanezë, veçanërisht nga anëtarët e talebanëve afganë të cilët kanë parë organizatën e tyre si ekstreme.

Isis-K janë fajësuar për disa nga mizoritë më të këqija në vitet e fundit, duke synuar shkollat ​​e vajzave, spitalet dhe madje edhe një maternitet ku ata thuhet se vranë gra shtatzëna dhe infermiere.

Ndryshe nga talebanët, interesi i të cilëve është i kufizuar në Afganistan, Isis-K janë pjesë e rrjetit global të IS-it që kërkon të kryejë sulme ndaj objektivave perëndimorë, ndërkombëtarë dhe humanitarë kudo që ata mund t’i arrijnë.

Ku ndodhen ato?

Grupi Isis-K, është i vendosur në provincën lindore të Nangarhar-it, pranë rrugëve të kontrabandës së drogës dhe njerëzve brenda dhe jashtë Pakistanit.

Në kulmin e tij grupi numëronte rreth 3 mijë luftëtarë, por ka pësuar viktima të konsiderueshme në përleshjet me forcat e sigurisë amerikane dhe afgane. Gjithashtu grupi ka pësuar humbje në luftimet me talebanët.

A janë ata të lidhur me talebanët?

Sipas studiuesve, ka lidhje të forta midis Isis-K dhe rrjetit Haqqani, i cili nga ana tjetër është i lidhur ngushtë me talebanët.

Njeriu përgjegjës për sigurinë në Kabul është Khalil Haqqani i cili ka pasur një shpërblim prej 5 milion dollarësh.

Doktor Sajjan Gohel, nga Fondacioni Azia Paqësori ka monitoruar rrjetet militante në Afganistan për vite me rradhë.

Ai thotë se “disa sulme të mëdha midis 2019 dhe 2021 përfshinin bashkëpunim midis Isis-K, rrjetit Haqqani të talebanëve dhe grupeve të tjera terroriste me bazë në Pakistan”.

Kur talebanët pushtuan Kabulin më 15 gusht, grupi liroi një numër të madh të burgosurish nga burgu Pul-e-Charki, mes të cilëve thuhet se përfshinin militantët e IS dhe al-Qaeda-s. Këta njerëz tani janë në arrati.

ISIS-K ka dallime të mëdha me talebanët, duke i akuzuar ata për braktisjen e xhihadit dhe fushën e betejës në favor të një zgjidhjeje të negociuar të paqes të arritur në “hotele të shtrenjta” në Doha, Katar.

Militantët e Shtetit Islamik tani përfaqësojnë një sfidë të madhe të sigurisë për qeverinë e ardhshme talebane, diçka që lidershipi i talebanëve e ndan me agjencitë perëndimore të inteligjencës.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.