Sekretari i Përgjithshëm i NATO-s Jens Stoltenberg dëshiron të largohet nga posti i tij këtë vjeshtë.
Kështu deklaroi zëdhënësja e tij Oana Lungescu, duke iu referuar botimit gjerman “Spiegel”.
“Ai nuk ka ndërmend të kërkojë zgjatje të mëtejshme të mandatit të tij”, tha Lungescu të dielën.
Mandati i Stoltenberg është zgjatur tashmë tre herë, ai ka qenë në detyrë për gati nëntë vjet.
Kohët e fundit ka pasur disa spekulime se mandati i 63-vjeçarit mund të zgjatet sërish në sfondin e luftës së Rusisë kundër Ukrainës.
Botimi gjerman “Welt am Sonntag” raportoi, duke cituar burime diplomatike, se një marrëveshje joformale u arrit midis 30 vendeve për të zgjatur mandatin e tij deri në prill të vitit 2024.
Në të njëjtën kohë, diplomatët vunë në dukje se një tjetër zgjatje mund të krijojë përshtypjen se NATO nuk mund të bie dakord për diçka të re.
Herën e fundit që mandati i Stoltenberg u zgjat edhe për një vit deri më 30 shtator 2023, menjëherë pas pushtimit rus të Ukrainës.
Ish-kryeministri i Norvegjisë ka dashur të largohet nga posti dhe të kthehet në atdheun e tij për t’u bërë kreu i bankës qendrore që nga viti i kaluar.
Vendet e NATO-s, sipas burimeve, duan të zgjasin mandatin e Stoltenberg-ut, pasi ai ka korrur “arritje të jashtëzakonshme për NATO-n, veçanërisht në sfondin e luftës në Ukrainë”.
Stoltenberg është Sekretar i Përgjithshëm i NATO-s që nga 1 tetori i vitit 2014.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Zhvillohen homazhe në varrezat e Dëshmorëve, përkujtohet 5 maji
-
Mjeku tregoi 43 ditët e tija në spitalet e shkatërruara të Gazës, Franca nuk e lejon të kalojë kufirin
-
Marrëveshja Izrael-Hamas, politologu Ian Bremmer: Biden ishte shumë i ngadalshëm, për të një marrëveshje është jetike, por ne jemi larg fundit
-
Deutsche Welle ngre alarmin për Ballkanin, historia mund të përsëritet
Lajmet kryesore
-
Deutsche Welle ngre alarmin për Ballkanin, historia mund të përsëritet
-
5 maji i dëshmorëve
-
Marrëveshja Izrael-Hamas, politologu Ian Bremmer: Biden ishte shumë i ngadalshëm, për të një marrëveshje është jetike, por ne jemi larg fundit
-
Nga Ocasio-Cortez te Sanders, ata demokratë që konkurrojnë Biden-in