![](https://albanianpost.com/wp-content/uploads/2024/06/Screenshot-2024-06-17-185048.jpg)
Surprizat janë bërë për futbollin dhe ku më mirë se në Euro 2024 mund të shpërfaqen ato!
Sllovakia e ka shastisur tërësisht Belgjikën në pjesën e parë të takimit të parë mes tyre në fazën e grupeve, duke e mbyllur me kryesimin 1 me 0, falë një goli të gjetur herët në ndeshje.
Ishte Ivan Schranz, ai i cili e kaloi kombëtaren e tij në avantazh në minutën e shtatë, pas një pasi përcaktues nga veterani Juraj Kucka.
Belgjika ka kërkuar të tregojë supremacinë në lojën e saj, por pa mundur ta konkretizojë në realitet këtë gjë.
Rastet nuk kanë munguar në anën e saj, por shumë është shpërdoruar, mbi të gjitha nga sulmuesi kryesor, Romelu Lukaku.
Kontrolli i topit ka qenë 53% në favor të Belgjikës, por Sllovakia ka qenë shumë më pranë një goli të dytë.
Ishte portieri Casteels, ai i cili i mohoi Hribik-ut një gol spektakolar me një goditje fluturimthi nga brenda zonës.
Pjesa e dytë do të vendosë gjithçka në Deutsche Bank Park.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kush është Florian Coldea, këshilltari i Ramës, të cilin opozita e akuzon si “agjent rumun”
-
Berishës nuk i hiqet mandati i deputetit, vendos Konferenca e Kryetarëve
-
BE-ja, Qeverisë: S’morët parasysh komentet tona për disa projektligje, jemi të shqetësuar
-
Kushtetuesja ia shpallë qeverisë “të pavlefshëm në tërësi” Ligjin për Byronë