Sulmet izraelite në qytetin verior të Sirisë, Aleppo vranë 38 persona, duke përfshirë pesë anëtarë të grupit të armatosur libanez Hezbollah.
Ministria siriane e Mbrojtjes tha të premten se një numër i civilëve dhe personelit ushtarak u vranë pasi Izraeli dhe grupet militante nisën sulmet kundër Aleppos.
Sulmet ajrore izraelite shënjestruan disa zona në fshatrat e Aleppos rreth orës 1:45 të mëngjesit me orën lokale, tha ministria në një deklaratë.
Ato përkuan me sulmet me dronë të kryera nga Idlibi dhe Aleppo rurale perëndimore që ministria i përshkroi si të kryera nga “organizatat terroriste” që synojnë civilët.
Megjithatë, ministria nuk përmendi një numër specifik të vdekjeve ose nuk sqaroi nëse viktimat janë shkaktuar nga sulmet ajrore izraelite apo nga sulmet e grupeve militante.
“Agresioni rezultoi në martirizimin dhe plagosjen e një numri civilësh dhe personeli ushtarak dhe shkaktoi humbje materiale në pronën publike dhe private”, thuhet në deklaratë.
Ushtria izraelite nuk pranoi të komentojë.
Që nga sulmi i 7 tetorit nga Hamasi ndaj civilëve dhe ushtarëve izraelitë, Izraeli ka përshkallëzuar sulmet e tij në ato që thotë se janë baza të milicisë së mbështetur nga Irani në Siri.
Ai ka goditur gjithashtu mbrojtjen ajrore të ushtrisë siriane dhe disa forca siriane.
Izraeli ka kryer prej vitesh sulme të tilla në Siri, ku ndikimi i Teheranit është rritur që kur filloi të mbështesë Presidentin Bashar al-Assad në një luftë civile që filloi në vitin 2011.
Luftëtarët aleatë me Iranin, duke përfshirë Hezbollahun, tani kanë pushtet në zona të gjera të lindore , Sirinë jugore dhe veriperëndimore dhe në disa periferi rreth kryeqytetit.
Izraeli dhe Hezbollahu kanë shkëmbyer zjarrin përtej kufirit Izrael-Liban që kur shpërtheu lufta në Gaza, përshkallëzimi më i madh që kur ata luftuan një konflikt njëmujor në vitin 2006.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gjykata Ndërkombëtare e Krimeve mund të kërkojë arrestimin e Netanyahut, Gallant dhe Halevit
-
Vdiq Ali Lajçi – ikona e “Pranverës ‘81”
-
Martens: Berlini e Parisi synojnë ta shtyjnë votimin për anëtarësimin e Kosovës në Këshillin e Evropës
-
Ahmeti, Mickoski-t për “emisarët”: Kristijan, kam hyrë në politikë si kryengritës, s’dal puthadorë
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”
