Shërbimi Spitalor Klinik dhe Universitar i Kosovës, përmes një postimi në Facebook ka njoftuar se aktualisht tretman mjekësor si pasojë e COVID-19 në Qendrën Klinike Universitare të Kosovës, Klinikat për COVID-19 dhe në spitalet e tjera janë duke marrë 64 pacientë.
Sipas raportit 24 orësh të SHSKUK-së 33 pacientë janë me oksigjeno-terapi dhe katër në gjendje të rënduar shëndetësore, në kujdes intensiv mjekësor.
E po ashtu 12 pacientët e ardhur nga Shqipëria që u raportua javëve të kaluara për ta, ende janë duke marrë trajtim në Spitalin e Përgjithshëm të Gjakovës.
“64 pacientë janë në trajtim mjekësor nga COVID-19, në klinikat COVID-19 në QKUK dhe spitalet e përgjithshme, 12 prej tyre në Shqipëria që po marrin trajtim në Spitalin e Përgjithshëm në Gjakovë” thuhet në raport.
Për 24 orët e fundit Instituti Kombëtar i Shëndetit Publik në Kosovë ka raportuar 25 persona të infektuar nga COVID-19 dhe asnjë person të vdekur.
Numri i të infektuarve vjen nga 1 mijë e 801 mostra të marra nga Shërbimi Spitalor dhe Klinik Universitar i Kosovës.
Sipas Ministrisë së Shëndetësisë, gjatë 24 orëve të fundit janë shëruar gjithsejtë 9 persona.
Raste aktive me COVID-19, janë gjithsejtë 447.
Numri i të vaksinuarve brenda 24 orëve të fundit është gjithsejtë 7 mijë e 716.
Numri i të vaksinuarve me vetëm dozën e parë të vaksinës anti-COVID është gjithsejtë 841 mijë e 282 ndërsa numri i të vaksinuarve me të dy dozat është gjithsejtë 724 mijë e 969.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Rohde: Kurti ka qenë në dijeni për kushtëzimin rreth Asociacionit – jam i befasuar që ai u shpreh i befasuar
-
Asnjë subjekt i posaçëm i SPAK nuk ka përfituar nga Amnistia, garanton Bardhi
-
Netanyahu thotë se vendi i tij është i përgatitur të ‘qëndrojë i vetëm’
-
Kosova nën sanksionet e BE-së shënon Ditën e Evropës pa progres drejt integrimeve
