Federico Chiesa mund të ndëshkohet nga Juventus-i për shpërthimin e tij ndaj Massimiliano Allegri-t në barazimin e Derby della Mole me Torino-n (0-0).
26-vjeçari dihet se ka një marrëdhënie të vështirë me trajnerin e bardhezinjve dhe gjërat erdhën sërish në vëmendje në ndeshjen e të shtunës, kur anësori italian u tërbua me trajnerin e tij pasi u zëvendësua në minutën e 64-të në derbi, duke u ankuar se ai është “gjithmonë lojtari i parë i zëvendësuar”.
Chiesa ka pak më shumë se një vit në kontratën e tij me Juventus-in dhe negociatat në lidhje me një marrëveshje të re janë duke vazhduar, por klubi thuhet se është i hapur për oferta në merkaton e ardhshme të verës mes interesimit nga Liverpool dhe Chelsea.
Siç raportohet nga “La Stampa”, Chiesa mund të përballet me pasoja si pasojë e shpërthimit të tij kundër Allegri-t, me sugjerime se ai mund të lihet në stol për ndeshjen e ardhshme të Serie A të Juventus-it me Cagliari-n më 19 prill.
Kenan Yildiz mund të zërë vendin e italianit në formacionin fillestar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Hasani thotë se Shqipëria pret dritën jeshile nga BE për Konferencën e Dytë Ndërqeveritare
-
Gjykata rrëzon kërkesën e Bardhit për të çregjistruar Bashën si kryetar i PD-së
-
Orë vendimtare për armëpushimin dhe pengjet, gjithçka varet nga Hamasi
-
Kurti në BBC: Kosova s’e lejon dinarin e Millosheviçit – Serbia deshi të provokojë luftë në Banjë