Marrëdhënia mes trajnerit të Juventus-it, Massimiliano Allegri dhe Federico Chiesa-s është prishur dhe tani po përkeqësohet.
Sipas një raporti të gazetarit italian, Giovanni Albanese të “La Gazzetta dello Sport”, tensionet vazhdojnë të rriten mes trajnerit të Juventusit, Allegri dhe Chiesa-s për kohën e lojës dhe organizimin taktik.
Allegri po përpiqet të menaxhojë kohën e ndeshjes mes Chiesa dhe Kenan Yildiz, por ai po e humb italianin.
Kamerat e “DAZN” e kapën 26-vjeçarin duke thënë “Unë jam gjithmonë zëvendësuesi i parë” kur trajneri i bardhezinjëve e nxori nga fusha herët kundër Torino-s javën e kaluar.
Përveç çështjeve të kohës së lojës, Chiesa është kundër formacionit të zakonshëm të Juventus-it 3-5-2, ku ai vendoset si sulmues. Ai është një anësor natyral dhe prandaj mendon se pozicioni i sulmuesit qendror dëmton stilin e tij të lojës.
Allegri besohet se ka pasur një bisedë me Chiesa-n kohët e fundit dhe i ka kërkuar atij të shënojë më shumë gola, por italiani mbetet i palëkundur në paraqitjen si anësor, gjë që mund të mos jetë e mundur në klub tani.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Liria e medias “rrezikshëm afër pikës së thyerjes” në disa vende të BE-së
-
Osmani kërkon mbështetjen e Zvicrës për anëtarësimin e Kosovës në KiE