Shefi i Zyrës së Bashkimit Evropian në Kosovë, Tomas Szunyog, ka komentuar kthimin e shtetases serbe, Dragica Gasiç në banesën e saj në komunën e Gjakovës, duke bërë thirrje për respektimin e të drejtave të gjithë qytetarëve të Kosovës përfshirë edhe personave qe vendosin të kthehen në vendin e tyre të origjinës.
Ambasadori Szunyog gjithashtu ka treguar se institucioni të cilën e drejton është duke e monitoruar zhvillimet e fundit në lidhje me gruan serbe.
“Ne jemi duke ndjekur nga afër zhvillimet e fundit në lidhje me gruan Serbe nga Kosova, e kthyera e parë në Gjakovë”.
“Ne u bëjmë thirrje të gjitha institucioneve përgjegjëse dhe u bëjmë thirrje atyre që të veprojnë në përputhje me legjislacionin përkatës dhe të sigurojnë respektimin e të drejtave themelore të të gjithë qytetarëve, përfshirë kthimin në vendi i tyre i origjinës”, ka thënë Szunyog, raporton portali i lajmeve serbe me seli në Kosovë, Kosovo Online.
Dragica Gasiç është serbja e parë e kthyer në banesën e saj në Gjakovë që nga përfundimi i luftës së fundit në Kosovë.
Ndërsa komuna e Gjakovës gjatë ditës së marte kishte dorëzuar një padi në gjykatën themelore të Gjakovës, në të cilën kërkohej “anulimi i kontratës për dhënien me qira të banesës me kërkesë për masë të përkohshme”, për Dragica Gashiç.
Kthimin e serbes në banesën e saj në Gjakovë e kishin protestuar edhe 11 organizata jo qeveritare të Komunës së Gjakovës, duke ja dërguar Qeverisë së Kosovës një peticion për largimin shtetases serbe Dragica Gashiç.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gjykata Ndërkombëtare e Krimeve mund të kërkojë arrestimin e Netanyahut, Gallant dhe Halevit
-
Vdiq Ali Lajçi – ikona e “Pranverës ‘81”
-
Martens: Berlini e Parisi synojnë ta shtyjnë votimin për anëtarësimin e Kosovës në Këshillin e Evropës
-
Ahmeti, Mickoski-t për “emisarët”: Kristijan, kam hyrë në politikë si kryengritës, s’dal puthadorë
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”