Zëvendëssekretari i shtypit në Shtëpinë e Bardhë, TJ Ducklo, ka dhënë dorëheqjen, një ditë pas pezullimit të tij, për kërcënimin ndaj një gazetareje.
Ducklo, është shprehur se do të “shkatërronte” gazetaren, e cila po e pyeste në lidhje me jetën e tij private.
Në një deklaratë të shtunën, Ducklo shprehu se gjuha e tij ishte e “neveritshme”.
Ai në një postim në Twitter, shkruante se “Asgjë nuk mund ta shprehë keqardhjen time, sikletin tim si dhe neverinë për sjelljen time”.
Ducklo, e ka dënuar gjuhën e përdorur nga ai vetë duke e cilësuar atë si të “mosrespektueshme” dhe të “papranueshme” ndaj një gazetareje.
Ky është largimi i parë nga administrata më e re e presidentit, Joe Biden.
Presidenti Joe Biden është zotuar të pushojë nga puna këdo në administratën e tij që trajton “një koleg tjetër me mosrespekt”.
Por, me Ducklo-n duket sikur u mbajt një standard i dyfishtë, ku ai vetëm u pezullua.
Ngjarja
Revista Vanity Fair publikoi e para kërcënimet që ai kishte bërë për gazetaren e Politico-s.
Gazetarja kishte kërkuar të raportonte për marrëdhëniet e tij me një reporter politik në Axios, i cili më parë kishte mbuluar fushatën dhe tranzicionin e Biden-it.
Sekretarja për shtyp Jen Psaki, u përball me kritikat e shumta të gazetarëve në lidhje me vendimin për pezullimin e Ducklo-s.
Ajo vuri në dukje faljet e bëra nga anëtarët e lartë të ekipit të komunikimit si dhe vetë faljen e Ducklo-s drejtuar reportes të Politico-s. Për të, këto janë veprime që pasqyrojnë seriozitetin e situatës.
Ajo shtoi se e gjithë administra do të jetë e përshkushtuar, për të përmbushur standardin e vendosur nga presidenti, në lidhje me respektimin e të tjerëve me dinjitet dhe respekt.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Hamasi refuzon apelin e 18 vendeve: Po injorohen të drejtat e palestinezëve
-
Opozita i kërkon Kuvendit anulimin e mbledhjes së Komisionit për Shëndetësinë
-
Propozimi i Egjiptit: Hamasi lirojë 33 pengje, të vetmit ende gjallë
-
Sveçla me drejtorin e Policisë, diskutojnë për zbatimin e rekomandimeve të IPK-së
Lajmet kryesore
-
Rama për “Corriere”: Ndërhyra për të mbrojtur imazhin e vendit tim
-
Opozita i kërkon Kuvendit anulimin e mbledhjes së Komisionit për Shëndetësinë
-
‘Evropa mund të vdesë’ – Cilat janë propozimet e Macron për ta shpëtuar?
-
Rohde e përmendi Asociacionin, Kurti kërkon mbështetjen e Gjermanisë për anëtarësimin e Kosovës në KiE