Historikisht, një nga momentet më tradicionale gjatë përurimit të presidentit të ardhshëm janë mbështetësit e shumtë të ardhur nga i gjithë vendi, në bulevardin kryesor të Washington-it.
Këtë vit për të vazhduar trendin e tranzicionit të pushtetit, kjo tendencë do të jetë krejtësisht ndryshe.
Për shkak të COVID-19 dhe rritjes së sigurisë pas trazirave në Capitol, më 6 janar, publikut i është ndaluar shohë nga afër përurimin e presidentit nga bulevardi kryesor.
Është vendosur një perimetër sigurie gjatë gjithë bulevardit. Është përcaktuar vetëm një hyrje, ku lejohet të futen vetëm, gazetarët dhe stafi i autorizuar.
Në vend të mbështetësve të presidentit janë vendosur 200 mijë flamuj. Këta flamuj përfaqësojnë të 56 shtetet dhe territoret amerikane.
Flamujt janë zgjedhur në ngjyrë të shkëlqyeshme për të dhënë përshtypjen se bulevardi është i tejmbushur. Në realitet shumë pak njerëz ndodhen në bulevard.
Qëllimi është që optika të duket mbresëlënëse për miliona njerëz që do ta shikojnë inaugurimin nga shtëpia.
Parashikuesit kanë bërë thirrje për erëra mbi 60 kilometra në orë gjatë ceremonisë. Parashikohet që flamujt të valëviten nga era./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Stormy Daniels dëshmon në gjyqin e Trump, për ryshfet ndaj ish-aktores porno
-
Policia asgjëson një laborator të drogës në Leposaviq
-
Osmani takon ambasadoren e SHBA-ve në OKB, diskutojnë mbi zhvillimet e sigurisë në rajon
-
Forcat izraelite thonë se kanë nën kontroll anën lindore të Gazës, në kalimin Rafah