Sergio Conceicao ishte një nga disa trajnerë në listën e ngushtë të Milan-it për të zëvendësuar Stefano Pioli-n gjatë verës, por ai tani është hequr nga merkato.
Kuqezinjtë me sa duket kanë vendosur të shkarkojnë trajnerin italian në verë pas daljes së tyre të fundit në çerekfinale të Europa League ndaj Roma-s së Daniele de Rossi-t dhe humbjes së tyre në Derby della Madonnina ndaj Inter-it, e cila i dha rivalëve të tyre Scudetto-n dhe yllin e tyre të dytë në fanellë.
Conceicao ishte një nga disa trajnerë që ndiqej nga afër nga Milan-i teksa ata kërkojnë një projekt të ri, së bashku me kandidatët e tjerë si Julien Lopetegui, Paulo Fonseca, Mark van Bommel dhe Domenico Tedesco.
Nuk pritet një vendim përfundimtar deri në fund të sezonit.
Siç u njoftua zyrtarisht, Conceicao ka nënshkruar një kontratë të re afatgjatë me Porto-n, duke e lidhur atë me klubin portugez deri në qershor të vitit 2028.
Lëvizja e ka hequr emrin e tij nga tavolina e Milan-it, duke e detyruar klubin të fokusohet në opsione të tjera.
Kuqezinjtë pritet të ngushtojnë listën e tyre në disa opsione deri në fund të javës së ardhshme, duke u dhënë atyre pak kohë për t’u përgatitur për afatin kalimtar të verës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
“Me retorikë ka nisur Holokausti e Srebrenica, prandaj kemi përkrahje për ta neutralizuar nacionalizmin toksik të VMRO-së”, intervistë e Albanian Post me Bujar Osmanin
-
Meta thotë se Rama dhe Veliaj janë përfshirë në fushatë në Maqedoninë e Veriut, jo Kurti
-
Ranucci nuk tërhiqet: Report për Shqipërinë do të jepet brenda muajit, nuk jam censuruar nga Rama
-
Hamasi pranon armëpushimin për Gazën, Izraeli jo
