Scholz hodhi dokumente të klasifikuara në koshat e mbeturinave

Fqinjët e kancelarit federal Olaf Scholz dhe gruaja e tij, ministrja e Arsimit të Brandenburg-ut, Britt Ernst, gjetën dokumente të klasifikuara të qeverisë në një kontejner plehrash.

Lajmi u bë i ditur nga gazeta gjermane “Spiegel”.

Dokumentet thuhet se përfshinin printime të një kalendari takimesh, korrespondencë me email dhe drafte fjalimesh nga gruaja e kancelarit.

Menjëherë pas samitit të G7 në Elmau, në koshin e plehrave u gjetën dokumente me foto dhe “profile të shkurtra partnerësh”, krerët e shteteve dhe qeverive.

Informacioni i listuar është i disponueshëm publikisht, por informacioni në dokumente është shënuar nga Ministria e Punëve të Jashtme si “i klasifikuar vetëm për përdorim zyrtar”.

Rregulla strikte zbatohen për trajtimin e dosjeve të tilla: ato duhet të shkatërrohen në mënyrë të tillë që “përmbajtja të mos shihet dhe të mos identifikohet”.

Kjo, sipas një rregulloreje administrative federale për të ashtuquajturat “masa konfidencialiteti”.

Sipas Zyrës Federale për Mbrojtjen e Kushtetutës, dokumente të tilla sekrete mund të shikohen vetëm nga një person që “ka kaluar një kontroll sigurie për të përcaktuar vërtetësinë e nevojshme”.

Pas këtij lajmi, përdoruesit e rrjeteve sociale filluan të supozojnë se kjo situatë mund të çojë në një konflikt të brendshëm në parti dhe parlament, si dhe në largimin e Scholz-it nga posti i Kancelarit Federal.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.