Schneeberger: Serbët në Veri të Kosovës s’kanë nevojë t’i mbrojë Vuçiç-i, por të mbrohen nga ai
![](https://albanianpost.com/wp-content/uploads/2023/09/keshi.jpg)
“Serbët në Veri të Kosovës nuk kanë nevojë t’i mbrojë [Aleksandër] Vuçiç-i, por të mbrohen nga Vuçiç-i”, ka thënë këshilltarja lokale e Bashkimit Evropian, Kati Schneeberger, pas konfiskimit të një sasie të madhe të armëve dhe fishekëve këtë të marte në Zveçan.
Në shkrimin e saj në rrjetin social X, Schneeberger, ka reaguar edhe ndaj paralajmërimit të Presidentit të Francës, Emmanuel Macron, i cili tha se njëra ndër masat që mund të merret ndaj Kosovës nëse ajo “nuk sillet me përgjegjësi” në procesin e dialogut është edhe shqyrtimi i regjimit të vizave.
Schneeberger, i ka thënë presidentit Macron se “edhe një herë provokatori i vërtetë nuk adresohet qëllimisht”, duke iu referuar presidentit serb Vuçiç.
“I nderuar zoti Macron, një kujtesë edhe për ju: zbatimi i shtetit të së drejtës dhe lufta kundër krimit është një forcimi i qëndrueshëm i demokracisë në Evropë”, ka shkruar ajo në X.
“Po”, pohon ajo, “është një provokim – për të gjithë kriminelët dhe veçanërisht për Vuçiç-in, i cili është provokatori shkaktar”.
Këshilltarja lokale e BE-së thekson se Vuçiç duke i përkrahur bandat kriminale në Veri të Kosovës, ai “nuk po i mbron serbët në Kosovë”, por po i vë “në rrezik ata dhe të gjithë njerëzit që jetojnë në Veri”.
Macron wants to reconsider Kosovo's visa liberalisation if Kosovo does not make progress in reducing tensions with Serbia. Once again, the true provocateur is deliberately not addressed.
Dear Mr Macron, a reminder to you too: implementing the rule of law and fighting crime is a… https://t.co/gmDmpPAQKB
— Kati Schneeberger 🇪🇺 (@KatiSchneeberg1) September 5, 2023
Këtë të marte, Ministri i Punëve të Brendshme, Xhelal Sveçla, ka njoftuar se janë konfiskuar një sasi e madhe armatimit dhe fishekëve në një shtëpi në Zveçan.
“Kjo shtëpi është përdorur për grumbullim dhe shpërndarje të armatimit për grupet kriminale serbe. Deri më tani është zbuluar një sasi e madhe e armatimit, duke përfshirë armë automatike, fishekë, granata dore dhe eksploziv”, ka shkruar Sveçla në Facebook.
Kreu i MPB-së ka treguar se në vendin e ngjarjes, përveç institucioneve të sigurisë, kanë qenë të pranishëm edhe përfaqësues të KFOR-it.
“Veriu hap pas hapi po shkon drejt normalitetit. Rendi dhe ligji nuk do të cenohet në asnjë cep të Republikës”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Berisha humb gjyqin në Londër, mbetet non grata në Britani
-
Rrumbullaku urdhëron thellimin e procesit të verifikimit të integritetit të punonjësve të Policisë
-
“Dëshpëruese” dhe “të mërzitshme”, më shumë njerëz po largohen nga lajmet
-
Gërvalla: Hapja e Urës së Ibrit të trajtohet me seriozitet, s’duhet ta rrezikojmë territorin tonë