Samsung po bashkon shërbimet e saj Pay and Pass nën një çati, duke e quajtur platformën Samsung Wallet.
Bashkimi filloi në qershor, me Korenë e Jugut, dhe më pas pasuan gjashtë vende të tjera.
Sot Samsung njoftoi se 13 vende të reja do të marrin Samsung Wallet deri në fund të vitit. Ata janë Bahreini, Danimarka, Finlanda, Kazakistani, Kuvajti, Norvegjia, Omani, Katari, Afrika e Jugut, Suedia, Zvicra, Vietnami dhe Emiratet e Bashkuara Arabe.
Jeanie Han, EVP dhe Shefja e ekipit të Samsung, tha se kompania është “përqendruar në sjelljen e platformës në sa më shumë vende, sa më shpejt të jetë e mundur”, kështu që edhe më shumë përdorues të Samsung Galaxy mund “të përfitojnë”.
Samsung Wallet është përgjigja e kompanisë ndaj shërbimeve të ngjashme nga konkurrentët si Apple, Google dhe madje edhe Huawei – një mënyrë e shpejtë dhe e lehtë për të ruajtur të gjitha kartat bankare, lejet e udhëtimit dhe të gjitha llojet e ID-ve të ndryshme.
Shërbimi i vetë Samsung mbrohet nga Samsung Knox, që do të thotë se dokumentet veçanërisht të ndjeshme ruhen në një mjedis të izoluar, i cili është një shtresë mbrojtjeje kundër sulmeve të mundshme.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
