Sulmuesi i Liverpool-it, Mohamed Salah, u votua për herë të dytë “Futbollisti i Vitit” në Angli, ndërsa sulmuesja e Chelsea-t, Sam Kerr, ka fituar çmimin për femra.
Shoqata e Shkrimtarëve të Futbollit shpalli çmimet të premten dhe raportoi se Salah mori 48% të votave, përpara lojtarit të Manchester City, Kevin De Bruyne, dhe mesfushorit të West Ham, Declan Rice.
Ylli egjiptian, i cili gjithashtu fitoi në vitin 2018, ka shënuar 30 gola dhe 14 asistime në të gjitha garat për Liverpool këtë sezon.
Liverpool pas Manchester City-t me një pikë në garën për titull në Premier League, kështu që nuk është çudi që lojtarët e tyre dominuan në vota; nëntë lojtarë të Liverpool-it morën nominime, dhe City kishte gjashtë.
Çmimi i ka shkuar një lojtari të Liverpool ose City për pesë sezone radhazi.
Mbrojtësi i City-t, Ruben Dias, fitoi vitin e kaluar.
Çmimi i grave, i prezantuar në vitin 2018, ishte i hapur për anëtarësimin e plotë të FWA për herë të parë. Më parë ishte vendosur nga një panel ekspertësh.
Kerr mori 40% të votave, përpara sulmueses së Arsenal-it, Vivianne Miedema.
Çmimet do të jepen në një darkë të FWA të enjten e ardhshme.
“Si Mo dhe Sam kanë qenë të jashtëzakonshëm këtë sezon, duke thyer rekorde si për klubin, edhe për përfaqësuesen”, tha kryetarja e FWA, Carrie Brown.
“Fakti që ata kanë fituar me diferenca të tilla bindëse nënvizon se sa mbresëlënës kanë qenë këtë sezon, i cili është njohur nga anëtarët tanë”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Deutsche Welle ngre alarmin për Ballkanin, historia mund të përsëritet
-
Zhvillohen homazhe në varrezat e Dëshmorëve, përkujtohet 5 maji
-
Marrëveshja Izrael-Hamas, politologu Ian Bremmer: Biden ishte shumë i ngadalshëm, për të një marrëveshje është jetike, por ne jemi larg fundit
-
Nga Ocasio-Cortez te Sanders, ata demokratë që konkurrojnë Biden-in