Fushat më të zakonshme të betejës për fëmijët janë padrejtësitë e perceptuara nga ata dhe pozicioni i tyre në familje.
“Konkurrenca me vëllezërit e motrat është thjesht një fakt i jetës. Dhe ne, si njerëz me vëllezër e motra dhe si prindër, thjesht mund të përpiqemi ta menaxhojmë atë sa më mirë”, shprehet Jeanine Vivona, profesoreshë e psikologjisë në Kolegjin e New Jersey.
Studimet kanë treguar se konflikti i vëllezërve dhe motrave mund të ndodhë deri në tetë herë në orë. Po ashtu është zbuluar se çiftet e motrave priren të jenë më të afërta. Ndërsa lidhja motër-vëlla përfshinë më shumë konflikt.
Psikologjikisht, rivaliteti i vëllezërve dhe motrave shërben për zhvillimin e tyre. Ai i ndihmon fëmijët të kuptojnë se çfarë është unike dhe e veçantë për veten e tyre. Kjo njihet ndryshe si “diferencimi”.
Fëmijët duan të shihen si më të veçantë nga prindërit e tyre, kështu që ata “gjithmonë do të bëjnë presion për trajtim preferencial” mbi vëllezërit e motrat e tyre, tha Vivona.
Vetëm sepse pritet rivaliteti i vëllezërve dhe motrave nuk do të thotë se nuk ka mënyra për ta zbutur atë.
Pesë sugjerime nga ekspertët për të trajtuar vëllezërit e motrat që grinden
Gjeni se çfarë i vë në atë situatë. “Kushtojini vëmendje asaj që tenton të ndodhë para se të shpërthejë konflikti”, tha Sally Beville Hunter, një profesor i asociuar klinik në studime në Knoxville. Nëse fëmijët tuaj zihen sa herë që luajnë lojëra video, ju sigurohuni ta keni vëmendjen kur të ulen për të luajtur. Dëgjoni fjalët ose tonet e veçanta të zërit që po përdorin. Nëse janë luftarake përpiquni të ndërhyni para se të përshkallëzohet.
Ndihmojini ata të mësojnë të zgjidhin konfliktin. Sapo të qetësohen, përpiquni t’i ulni fëmijët tuaj. Diskutoni mbi problemin “pa fajësuar ose akuzuar”, këshilloi Feinberg. Jepini secilit fëmijë një shans për të folur. Mos i ndërprisni, dhe bëjini ata të përpiqen të gjejnë zgjidhje për problemin vetë.
Falënderoji ata në publik dhe dënoji ata privatisht. Nëse fëmijët tuaj janë të sjellshëm me njëri-tjetrin, “lëvdoni me të vërtetë me zë të lartë në të gjithë vendin”, tha Hunter. Por nëse po i kritikoni, përpiquni ta bëni atë jashtë veshit të fëmijës tjetër, sepse ajo mund ta përdorë atë si provë.
Mundohuni të gjeni momente ku të gjithë mund të bashkohen. Temperamentet dhe personalitetet e fëmijëve mund të jenë të ngjashme, ose mund të mos jenë të tillë. “Mundohuni të gjeni aktivitete të zakonshme që lejojnë të gjithë të jenë fleksibël dhe të ndjehen të lidhur”, tha Vivona.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Princi William viziton një shkollë angleze me qëllim të trajtimit të stigmës ndaj shëndetit mendor
-
Mësueset e shkollës fillore të Taylor Swift e kujtojnë atë si një “nxënëse që e kishte yllin në ballë”
-
Sean ‘Diddy’ Combs i përgjigjet akuzuesit Rodney Jones duke zbuluar problemet e tij ligjore të së kaluarës
-
Rebel Wilson pretendon se një anëtar i familjes mbretërore fshihet pas organizimit të festave të shfrenuara me orgji dhe drogë
Lajmet kryesore
-
Tensione sërish te Bashkia Tiranë, protestohet me molotov
-
SPAK përfundon hetimet për ish-përgjegjësit e IKMT Sarandë, dërgon çështjen në GJKKO
-
Blinken dhe Xi takohen, duan ‘partneritet, jo rivalitet’
-
Rashiç beson se Qeveria do ta dërgojë draft-statutin e Asociacionit në Kushtetuese para anëtarësimit në KiE