Ministri për Komunitete dhe Kthim, Nenad Rashiç, në një intervistë për Albanian Post ka thënë se Qeveria e Kosovës është e gatshme ta themelojë Asociacionin e Komunave me Shumicë Serbe.
Por, thotë se pengesë për t’u funksionalizuar ky mekanizëm është presidenti serb Aleksandër Vuçiç, meqë po refuzon ta nënshkruaj marrëveshjen Bazë të 27 shkurtit të vitit të kaluar mes Kosovës dhe Serbisë, nën ndërmjetësimin e Bashkimit Evropian.
“Kemi konstatuar shumë herë se kështu nuk mund të vazhdojmë, duhet të kemi diçka më konkrete, problemi është tek Vuçiçi”, tha Rashiç.
Megjithatë, Rashiç thekson se ka disa paqartësi tek propozimi i Bashkimit Evropian për Asociacionin i cili i është dorëzuar Qeverisë së Kosovës.
“Unë edhe në fillim kam thënë se i kam disa gjëra të paqarta”, potencoi ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Presidenti i Kinës sulmon NATO-n për bombardimin e Serbisë para vizitës në Beograd
-
Kurti me lëvdata për Bashkim Jasharin: Akoma se ka prekur gjysmën e mandatit, rritja e FSK-së është e paparë
-
Rama: I kemi hapur korrupsionit luftë të gjithëanshme e jo luftë arnash
-
Osmani takon Presidentin e Liberisë, flasin për thellimin e bashkëpunimit