Formacionin do ta zgjedh, në stadium do të jetë, ndeshjen do ta shikojë, por takim përballë Arsenal-it nuk do të jetë zyrtarisht i pari i Rangnick në stolin e United.
Këtë e ka bërë të ditur BBC Sport, me një raportim gjatë mëngjesit të sotëm.
Problemet me vizë dhe koha e pandëmisë, e bëjnë thuajse të pamundur që gjithçka të rregullohet në kohë për ndeshjen me Arsenal-in.
Mirëpo, asgjë nuk e ndal Rangnick-un që të stërvisë skuadrën e United.
Pra, pas zyrtarizimit nga Manchester United, gjermani ka çdo të drejtë që të ketë fuqi vendim marrëse mbi klubin.
Për sfidën e 2 dhjetorit me Arsenal-in, Michael Carrick do të jetë zyrtarisht trajneri në stolin e United, për ndeshjen e tij të tretë dhe të fundit në drejtim të djajve.
Rangnick u zyrtarizua gjatë të hënës si trajneri i ri i Manchester United.
63-vjeçari do të jetë në stolin e djajve deri në fund të këtij sezoni, ku pastaj do të marrë pozitë drejtuese në bordin e klubit.
Më parë, Rangnick ka drejtuar skuadrat e RB Leipzig dhe RB Salzburg, duke arritur sukses me të dy klubet.
Tifozët e Manchester United janë shprehur shumë të lumtur për emërimin e tij, dhe shpresojnë që me të në krye skuadra do t’i kthehet rezultateve pozitive pas shumë kohësh.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Osmani uron Siljanovska-Davkova-n nga VMRO – DPMNE, por jo edhe Ali Ahmetin
-
BE është e plotë vetëm me integrimin e Ballkanit Perëndimor, thotë Hasani
-
Ish-kreu i shërbimit sekret izraelit: Lironi Barghoutin dhe vendosni për dy shtete – kështu mposhtet Hamasi
-
Siljanovska Presidente e re e RMV-së, VMRO merr 58 deputetë, “Fronti Evropian” 19, LSDM 18, “VLEN 13