“Thumana do të kthehet në model urban”.
Kështu është shprehur kryeministri i Shqipërisë, Edi Rama, të mërkurën e 28 prillit nga Thumana, ku së bashku me ministrin e Shtetit për Rindërtim, Arben Ahmetaj, kanë inspektuar punimet për rindërtimin.
Numri një i qeverisë ka theksuar faktin se, edhe pse ky muaj ka qenë në proces zgjedhor, puna për rindërtimin e saj ka ecur dhe nuk është lënë më mes për asgjë.
Në Thumanë nga tërmeti i 26 nëntorit 2019 u shembën shumë ndërtesa.
Ahmetaj bëri me dije se kanë mbaruar punimet për rindërtimin e shkollave, të cilat qenë të financuara nga Fondi Shqiptar i Zhvillimit.
Ndërkohë kryeministri, i cili fitoi dhe mandatin e tretë qeverisës, në zgjedhjet e 25 prillit, nuk i kurseu batutat.
“Paskeni punuar fort këto tri javë. Ritmi s’ka rënë fare. E paskeni ditur se zgjedhjet do t’i fitojmë”.
Në përmbyllje, Rama tha se, deri në shtator, çdo gjë do të jetë e përfunduar.
Ndërkohë Qeveria Rama nisi financimet duke alokuar fonde dhe donacione të huaja për rindërtimin e saj.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kurti: Zgjedhjet më mirë në verë se në dimër, s’ka rëndësi a qeverisë edhe 10 muaj, apo edhe 3 muaj
-
Nisma e PS, Delegacioni i BE-së: Të mos preket reforma në Drejtësi
-
Izraeli thellon ofensivën në Rafah dhe rihyn në zonat veriore të Gazës
-
Krasniqi: Dallime me Kurtin kemi, por diskutimin e patëm të mirë