Kryeministri Edi Rama – i pranishëm në mbrëmjen gala të FSHF-së – ka falënderuar kombëtaren për paraqitjen e suksesshme në kualifikueset Euro 2024.
Së bashku me Presidentin Bajram Begajn, ai i ka dorëzuar trajnerit brazilian shtetësinë shqiptare.
“Ndjej nevojën për të falënderuar me gjithë zemër të gjithë ata që e mundësuan këtë sukses të jashtëzakonshëm për Shqipërinë. Të ndaloj një sekondë këtu, me Sylvinhon…siç premtuam, sot duam të gjithë së bashku të të japim shtetësinë shqiptare”, ka thënë Rama.
Ndër të tjera, Rama u ka dorëzuar lojtarëve të kombëtares pasaportat diplomatike.
Kjo pasi atyre të dhëna pas kualifikimit në Euro 2016, u kishte përfunduar afati 5-vjeçar në vitin 2021.
Për t’i dorëzuar, Rama ftoi në skenë ish-kapitenin Elseid Hysaj.
Sot po mbahet mbrëmja gala e Federatës Shqiptare të Futbollit “Më të Mirët 2023” ku do të vlerësohen protagonistët kryesorë të futbollit, djem dhe vajza, të cilët kanë shkëlqyer me paraqitjet e tyre në fushën e lojës.
FSHF ka përgatitur një mbrëmje festive të pasur edhe me program artistik në Teatrin Kombëtar të Operas dhe Baletit, që do t’i dedikohet futbollit vendas dhe Kombëtares kuqezi që mbylli një edicion fantastik kualifikues, me objektivin e arritur finalet e Europianit “Gjermani2024”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
BE duhet të zgjerohet ose të përballet me ‘Perden e re të Hekurt’, paralajmëron Michel
-
Forcimi i gjyqësorit është investimi më i mirë për të ardhmen e Shqipërisë, thotë Gonzato
-
Liria e medias “rrezikshëm afër pikës së thyerjes” në disa vende të BE-së
-
Osmani kërkon mbështetjen e Zvicrës për anëtarësimin e Kosovës në KiE
