Putin refuzon të dëgjojë “inteligjencën ruse”

Për shkak se pushtimi i Ukrainës nuk po shkon siç ishte planifikuar, presidenti rus Vladimir Putin po spastron shërbimet e tij sekrete.

Lajmi e bën të ditur revista gjermane “Focus”, e cila citon një ekspert rus të inteligjencës Andrei Soldatov.

Që nga fillimi i luftës në territorin e Ukrainës, marrëdhëniet midis presidentit rus Vladimir Putin dhe inteligjencës së pushtuesve janë përkeqësuar për shkak të dështimit të ushtrisë ruse.

Sipas ekspertit rus, lufta në Ukrainë filloi kur Putin-i poshtëroi publikisht kreun e inteligjencës, Sergei Naryshkin.

Disa javë më vonë, masat ndëshkuese në shërbimin special të FSB-së u bënë publike.

Departamenti përgjegjës për inteligjencën mori përgjegjësinë. Gjenerali Sergei Beseda dhe një oficer tjetër i inteligjencës u morën në pyetje dhe u vunë në arrest shtëpie, ndërsa zëvendës shefi i Gardës Kombëtare Roman Gavrilov u shkarkua.

Të gjitha këto raste lidhen me faktin se lufta në Ukrainë nuk shkoi siç prisnin pushtuesit rusë dhe Kremlini zyrtar fajëson “organet e inteligjencës” për këtë.

Putin i qëndron bindjeve të tij për Ukrainën dhe vazhdimisht i transmeton ato në Rusi dhe më gjerë.

Kjo është arsyeja pse Putini “pushoi së dëgjuari” inteligjencën, sepse ai është i bindur se ai vetë di më shumë se kushdo tjetër për Ukrainën.

“Në mesin e njerëzve në aparatin e tij të sigurisë, ai me sa duket dëgjon vetëm ministrin e Mbrojtjes Shoigu dhe ndoshta edhe Patrushev, Sekretarin e Këshillit të Sigurimit”, shtoi eksperti rus.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.