Pse duhet të shmangni larjen e fytyrës në dush?

Sado i përshtatshëm të jetë uji i ngrohtë, për të hequr papastërtitë e fytyrës ndërsa bëni dush, kjo në fakt mund të shkaktojë më shumë dëm sesa dobi për shëndetin e lëkurës tuaj.

Lëkura e fytyrës është shumë herë më e ndjeshme, sesa lëkura e trupit. Nëse nuk i preferoni dushet e ftohta, është më mirë ta mbani fytyrën larg rrjedhës së kokës së dushit.

Mund t’i përkeqësojë aknet

Dushet e gjata dhe të nxehta, mund të heqin vajrat natyralë që i nevojiten lëkurës tuaj për të qëndruar e shëndetshme dhe për t’u dukur sa më mirë. Dhe nëse lëkura juaj është tharë tashmë, larja e fytyrës në dush, vetëm mund ta përkeqësojë çështjen. Vendosja e më shumë kremi hidratues për të lehtësuar ndjesinë e thatësisë, përfundimisht mund ta bëjë lëkurën tuaj të prekshme nga aknet dhe infeksionet e tjera të lëkurës.

Mund të ndikojë në tonin e lëkurës suaj

Larja e fytyrës në dush mund ta bëjë lëkurën tuaj të duket më e kuqe. Uji i nxehtë bën që enët e gjakut në fytyrën tuaj të zgjerohen, gjë që mund të dëmtojë kapilarët e brishtë në faqet tuaja. Kjo, nga ana tjetër, mund të çojë në rrjete kapilare të dukshme, një gjendje shumë e zakonshme e lëkurës.

Mund të çojë në rrudha të parakohshme

Ju ndoshta keni vërejtur se si gishtat tuaj mund të rrudhen pas një dushi të nxehtë të gjatë. Kjo ndodh sepse uji i nxehtë heq lagështinë nga lëkura juaj dhe dëmton shtresën mbrojtëse të lëkurës që ndihmon në bllokimin e lagështisë. E njëjta gjë është e vërtetë për lëkurën tuaj të fytyrës, e cila mund të plaket më shpejt nëse ekspozohet rregullisht në ujë të nxehtë.

Mund ta bëjë lëkurën e shëndetshme më të ndjeshme

Larja e fytyrës në dush nuk do të përfitojë as nga lëkura normale. Uji i nxehtë mund të ndikojë negativisht edhe në këtë lloj lëkure, duke e bërë atë më të thatë dhe më të ndjeshme. Është më mirë të qëndroni larg dusheve të nxehta, veçanërisht gjatë muajve të thatë të dimrit kur lëkura është më e prekshme nga tharja dhe acarimi.

Mund të bëjë që lëkura juaj të kruhet

Shumë njerëz mendojnë se lëkura e tyre kruhet pak pas një dushi të gjatë. Ndjesia është zakonisht e lehtë dhe zgjat vetëm për një kohë të shkurtër.

Por larja e fytyrës tuaj nën një dush të nxehtë rregullisht mund të shkaktojë kruarje dhe ta dëmtojë atë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.