“Polici e dhunshme dhe joprofesionale”, ka shkruar në reagimin publik zëdhënësja e PSD-së, Natyra Kuçi, pas njoftimit të Policisë së Kosovës se tre zyrtarë nga ky institucion u lënduan gjatë protestës së organizuar nga kjo parti kundër shtrenjtimit të energjisë elektrike.
“Qeveri qe nuk përfaqëson”, vazhdon më tek Kuçi në llogarinë e saj në Facebook.
“Shkallet e ndërtesës së Qeverisë nuk ka pse të mbrohen. Hapësira i takon qytetarit. Objektet janë të burokratëve të bllokuar, hapësira është e qytetarëve të lirë. Ajo duhet të jetë e lirë, në secilën protestë pavarësisht kush e organizon. Taktikat selektive përbejnë diskriminim”, shkruan në reagimin e saj Kuçi.
Nuk ka kush që e frenon fuqinë e drejtësisë së njerëzve të angazhuar, shkruar Kuçi.
Gjatë protestës të së shtunës për shtrenjtimin e rrymës përpara Qeverisë së Kosovës, kryetari i PSD-së, Dardan Molliqaj e ka goditur me shuplakë në fytyrë një pjesëtar të Policisë së Kosovës.
Policia tutje shton se “disa nga pjesëmarrësit kanë shpërfillur urdhrat e zyrtarëve policor, të cilët përtej hedhjes së gjësendeve të ndryshme, me veprimet dhe sjelljet e tyre u kanë shkaktuar lëndime të lehta tre zyrtarëve policor që ishin në kryerje të detyrës zyrtare”.
Në përpjekje për të mbajtur fjalim në shkallët para dyerve të objektit të Qeverisë, kryetari i PSD-së, Dardan Molliqaj, është filmuar duke qëlluar me shuplakë një zyrtar policor.
Me mbishkrimet, ”Ju e rrisni çmimin, ne rezistencën”, “Krejt rrogat në rrymë”, “Krejt dhe shtrenjtë”, “Lypëm dritë, gjetëm terr” dhe thirrjet “Populli i bashkuar ka për të fituar”, qytetarët kanë shprehur pakënaqësitë e tyre ndaj propozimit të Zyrës së Rregullatorit të Energjisë (ZRRE) për tarifat e reja të energjisë, në këtë protestë.
Qytetarët protestues janë nisur nga sheshi Zahir Pajaziti dhe janë grumbulluar para objektit të Qeverisë së Kosovës.
Kryetari i PSD-së, Dardan Molliqaj, ka thënë se propozimi i ZRRE-së duhet të kthehet mbrapa, pasi në të kundërtën do të ketë protesta çdo ditë.
Në protestë kanë marrë pjesë rreth 3 mijë protestues, sipas KMDLNj-së.
Pas protestës së sotme ka reaguar zëdhënësi i Qeverisë së Kosovës, Përparim Kryeziu, i cili ka thënë se kishte përpjekje për ta eskaluar protestën.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kurti e di që dëmi i Zajednicës e eklipson çdo përfitim nga anëtarësimi në KiE
-
Azerbajxhani miraton heqjen e vizave me Shqipërinë
-
Osama Hamdane: Ne pranuam marrëveshjen e armëpushimit pa hequr dorë nga vijat tona të kuqe
-
Maqedonci kërkon që KFOR-i të qëndrojë në Kosovë derisa Serbia të demokratizohet