Për videon e shpërndarë në rrjetet sociale, e filmuar në rrethrrotullimin e Babicës, në bypass-in e Vlorës, ku shfaqet një drejtues automjeti që tërhiqte një kafshë shtëpiake me automjetin e tij, strukturat policore kanë marrë masa.
Bazuar në pamjet filmike, nga strukturat e Komisariatit të Policisë Vlorë, por dhe nga telefonatat e adresuara nga qytetarë të ndryshëm, është bërë identifikimi dhe shoqërimi në ambientet e Policisë, i shtetasit Sh. H., 55 vjeç, banues në Vlorë.
Në vijim të veprimeve, janë referuar materialet në Prokurori dhe ka nisur procedimi penal për shtetasin Sh. H., për veprën penale “Keqtrajtimi i kafshëve”.
Po ashtu shtetasi është ndëshkuar nga Policia Rrugore, me masë administrative 62 mijë lekë të rinj, në bazë të dispozitave të Kodit Rrugor, për shkeljen e neneve 15, 191, 79 dhe 182.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Rama konfirmon vizitën në Athinë më 12 maj
-
SPAK mbyll hetimet, çon për gjykim Pëllumb Gjokën dhe anëtarë të tjerë të grupit kriminal
-
Nëse Trump fiton, do të kërkojë angazhim me 3% të PBB-së për vendet e NATO-s
-
Me ardhjen e Qeverisë Kurti ndryshoi qasja e Kosovës për marrëveshjen përfundimtare, thotë Lajçak
