Agjencia Franceze e Lajmeve raportoi gjatë mesditës pretendimet e autoriteteve ruse se predha e lëshuar nga Ukraina shkatërroi objektin e përdorur nga FSB-ja.
Moska tha gjatë të hënës se predha kishte shkatërruar një strukturë kufitare të përdorur nga Shërbimi Federal i Sigurisë së Rusisë (FSB).
Kjo, mes shqetësimeve perëndimore për një përshkallëzim në luftimet në Ukrainën lindore.
“Më 21 shkurt, në orën 9:50 të mëngjesit (0650 GMT), një predhë e paidentifikuar e gjuajtur nga Ukraina shkatërroi plotësisht një objekt kufitar të përdorur nga shërbimi i rojeve kufitare FSB në rajonin e Rostov-it, rreth 150 metra nga kufiri ruso-ukrainas”, citon AFP-ja një deklaratë të shërbimit të sigurisë.
Në njoftimin zyrtar shtohet se askush nuk është lënduar nga incidenti dhe se inxhinierët ushtarakë rusë kanë mbërritur në vendngjarje.
Videoja e publikuar nga FSB-ja shfaq një ndërtesë të vogël me çatinë dhe muret e saj të zbrazura dhe një flamur rus të mbështetur pas mbeturinave të shpërndara.
Ukraina ka luftuar separatistët që kanë pasur mbështetjen e Moskës që nga viti 2014.
Kohë kur Rusia aneksoi gadishullin e Krimesë pas protestave historike në rrugët e Kiev-it.
Më shumë se 14 mijë njerëz kanë vdekur deri më tani në luftime.
Megjithatë, aleatët perëndimorë të Kievit kanë paralajmëruar javët e fundit për një përshkallëzim të mundshëm.
Ata gjithashtu kanë paralajmëruar për sulme të organizuara që Moska dhe separatistët pro-rusë mund t’i përdorin si pretekst për të nisur një sulm ndaj Ukrainës.
Rajoni jugor i Rostov-it, ku FSB-ja tha se ndodhi bombardimi, shpalli gjendjen e jashtëzakonshme javën e kaluar.
Kjo, për shkak të një fluksi të parashikuar të civilëve nga territoret e kontrolluara prej rebelëve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Shumë vende kanë rifilluar financimin për UNRWA, por jo SHBA-të
-
“Do të mund ta padisin Serbinë në Gjykatën Evropiane pas anëtarësimit në KiE”, Osmani për familjarët e të zhdukurve
-
Universitetet amerikane në trazira, 200 arrestime në orët e fundit
-
Borrell e Lajçak janë shkarkuar, dialogu i Brukselit ka vdekur, thotë Tahiri
Lajmet kryesore
-
Strategjitë dhe metodat e shpërndarjes së lajmeve të rreme për keqinformim – Si i përdor Kremlini?
-
Shpërthim me lëndë plasëse në banesën e gjyqtarit në Shkodër
-
Blinken luan kartën saudite
-
“Do të mund ta padisin Serbinë në Gjykatën Evropiane pas anëtarësimit në KiE”, Osmani për familjarët e të zhdukurve