Menaxheri i Chelsea-t, Graham Potter, ka thënë se pozicioni i tij mbi planet për një Super Ligë Evropiane (ESL) nuk do të ndryshojë edhe nëse klubi përfshihet në garën e propozuar.
A22 Sports Management, një kompani e krijuar për të sponsorizuar dhe ndihmuar në krijimin e ESL tha të enjten se planet e rinovuara për ligën mund të përfshijnë “60-80 klube”.
Si shef i Brighton-it, Potter goditi planet e propozuara të ESL në prill 2021, duke thënë se ato ishin “të trishtueshme, shqetësuese dhe zhgënjyese”, dhe ai tha të premten tha se pozicioni i tij mbetet i njëjtë.
“Pozicioni im nuk ka ndryshuar në aspektin që mendoj se është Premier League, është Liga e Kampionëve, kudo që të jeni, duhet të arrini atje për merita sportive”, tha ai në një konferencë për shtyp të premten. “Ky është ende pozicioni im”.
Chelsea ishte ndër 12 klubet e përfshira në planet fillestare për ligën e shkëputur, por, së bashku me nëntë të tjerë, u tërhoqën brenda 48 orëve pasi lëvizja u rrëzua.
Kur u pyet nëse qëndrimi i tij do të duhej të ndryshonte nëse Chelsea do të përfshihej në planet e reja, Potter tha: “[Është] e vështirë t’i përgjigjem pyetjeve hipotetike, por unë nuk mendoj kështu. Mendoj se pozicioni im është pozicioni im dhe kaq”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
