Polonia ka vendosur të dëbojë 45 diplomatë rusë të dyshuar për spiunazh kundër vendit.
Lajmi u bë i ditur nga një zëdhënës i ministrisë së jashtme polake.
Ishte agjencia e Sigurisë së Brendshme të Polonisë, e cila i ka kërkuar Ministrisë së Jashtme të vendit që të dëbojë 45 diplomatë rusë.
Sipas një zëdhënësi, Stanislaw Zaryn, disa nga individët punonin për shërbimet sekrete ruse nën mbulesën e punës diplomatike.
Agjencia e lajmeve “Reuters” citoi një zëdhënës të paidentifikuar të qeverisë të ketë thënë se ambasadori rus në Poloni ishte thirrur në Ministrinë e Jashtme lidhur me rastin dhe vendimet për hapat e mëtejshëm që do të shpalleshin pas takimit.
Ministria e Jashtme e Rusisë u citua nga agjencia e lajmeve “RIA Novosti” të ketë thënë se do të hakmerrej nëse diplomatët e saj dëbohen.
Kujtojmë që kjo është dita e 28-të e luftimeve mes Rusisë dhe Ukrainës. Kjo e fundit ka bërë një rezistencë të lartë kundër trupave dhe bombardimeve ruse.
Sipas OKB-së, mbi 10 milionë njerëz janë larguar nga Ukraina, ndërsa numri i ushtarëve rusë të vrarë nuk dihet ende – mendohet mbi 13 mijë.
Ndërsa nga shifrat vendase, rreth 2 mijë e 500 civilë mendohet se janë vrarë vetëm në Mariupol nga bombardimet ruse – mes të cilëve edhe fëmijë.
Nga ana tjetër, OKB-ja ka raportuar të paktën 816 njerëz të vrarë dhe 1 mijë e 333 të plagosur që nga fillimi i pushtimit rus në Ukrainë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gjykata Ndërkombëtare e Krimeve mund të kërkojë arrestimin e Netanyahut, Gallant dhe Halevit
-
Vdiq Ali Lajçi – ikona e “Pranverës ‘81”
-
Martens: Berlini e Parisi synojnë ta shtyjnë votimin për anëtarësimin e Kosovës në Këshillin e Evropës
-
Ahmeti, Mickoski-t për “emisarët”: Kristijan, kam hyrë në politikë si kryengritës, s’dal puthadorë
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”