Prokuroria për Krim të Organizuar në Serbi, ka bërë të ditur se janë arrestuar pesë mjekë dhe farmacistë pasi të njëjtit dyshohen se kanë keqpërdorur shpërndarjen e barnave në Serbi dhe Kosovë.
Sipas komunikatës të lëshuar nga Prokuroria për Krim të Organizuar në Serbi, të njëjtit dyshohen se u kanë u kanë dhënë ilaçe të hormoneve të rritjes pacientëve që nuk kanë nevojë për to.
Përmes kësaj dhe me këtë është thënë se i kanë shkaktuar më shumë se 680 mijë euro dëm Fondit të Sigurimeve Shëndetësore të Republikës së Serbisë.
Sipas njoftimit, “pas procedurës para hetimore në territorin e Serbisë janë arrestuar Z.S., O.Sh., M.J., S.Z. dhe S.Z., si të dyshuar për kryerjen e veprave penale të komplotit, shpërdorim të pozitës zyrtare dhe shpërdorim të pozitës së personit përgjegjës në periudhën nga nëntori 2018 deri në korrik 2021”.
“Grupi i parë jepte receta pa ekzaminime të mirëfillta, për t’ua dërguar më pas anëtarëve të grupit të dytë, të cilët i merrnin barnat në barnatore pa dijeninë e pacientëve për të cilët janë përshkruar receta”, njoftoi Prokuroria.
Ndërsa është thënë se gjashtë të dyshuar nga dy grupe të lidhura kriminale e kanë pranuar fajësinë dhe kanë arritur marrëveshje me Prokurorinë dhe se Gjykata e ka pranuar.
Prokuroria shtoi se një grup përbëhej nga katër mjekë të Shtëpisë Shëndetësore të Gushtericës së Poshtme, dhe shtatë farmacistë të tjerë nga Beogradi, Kragujevci dhe Mitrovica e Sremit.
Institucionet shëndetësore në komunat e banuara me shumicë serbe në Kosovë punojnë nën sistemin serb dhe serbët e Kosovës kanë sigurim shëndetësor serb, kështu që ata përdorin edhe përfitimet e barnave pa pagesë, raporton Radio Evropa e Lirë.
Siç thuhet në ueb faqen e Ministrisë së Shëndetësisë së Serbisë, Qendra Shëndetësore Gushterica e Poshtme ofron shërbime për banorët e Lipjanit, Gushtericës së Epërme, Dobrotinit, Livagjës, Janjevës, Lepinës, Robocit, Suhodollit, Grackë e Vjetër.
Që nga dhjetori 2000, ajo ka mbuluar një territor me 10 mijë banorë dhe ofron afërsisht 124 mijë shërbime në vit.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Moti ekstrem në Guangzhou vret pesë persona dhe sjell shkatërrim në zemrën industriale të Kinës
-
Duke treguar përgjegjësi të guximshme për Evropën tonë
-
Bislimi: Duhet të jemi gati për luftë
-
Rrëfimi rrëqethës i Ermal Metës për sulmet e panikut: Për një kohë të gjatë u vetësabotova, përfundova në telashe me sjellje të paqarta, terapia ishte themelore