Sipas kreut të Partisë Demokratike në degën Gjirokastër, Dasho Aliko, dyert e zyrave lokale të forcës politike janë shkallmuar nga i deleguari i kryesisë së PD-së, Roland Bejko, i cili sipas Alikos, ka dëmtuar rëndë edhe mjete logjistike, përfshi një databazë të dhënash në sistemin informatik.
Një gjë të tillë, vetë Bejko, e ka mohuar tërësisht. Madje, ai ka thënë se takimi ka qenë i planifikuar prej kohësh, sipas statutit. Ndërsa, Alikos, i është referuar si ish-drejtues i degës.
“U njoftuam nga disa qytetarë që një grup njerëzish kishin ardhur dhe duke goditur me shqelma dyert”, do të shpjegonte Aliko në një deklaratë për mediat pasditen e së dielës.
“Është për të ardhur keq që ëndrrat me dyer të shqyera që shohin frymëzuesit dhe zbatuesit e dhunës së 8 dhjetorit gjejnë ende hapësirë në media”, do të ishte replika e Bejkos.
Aliko i është bashkuar prej kohësh lëvizjes së Sali Berishës, duke dalë hapur krah ish-liderit të PD-së. Madje, ai u ka bërë edhe thirrje demokratëve të Gjirokastrës, që t’u bashkohen asaj lëvizjeje.
Kjo, pasi e cilëson atë, si shumica brenda PD-së.
Bejko nga ana tjetër, është mbështetës i Bashës. Që prej krijimit të fraksionit Berisha brenda forcës politike, ai ka ridalë në skenën politike, pas një mungese aktive.
Aliko gjithsesi, i ka bërë edhe një kërkesë Bejkos e mbështetësve të Bashës.
“Ata janë pjesa e jonë, duhet të respektojnë anëtarësinë e tyre. Ju jeni dëshmitarë se si në mënyrë barbare, janë thyer çelësat e dyerve. Sot jemi në riorganizimin e PD-së. Jemi munduar edhe me zotin Bejko. Ata të kthehen tek shumica, tek anëtarësia”.
Vetë Bashës, i ka kërkuar që të futet në zgjedhje. Aty ai mund të shohë se sa mbështetje gëzon vërtetë.
Bejko gjithsesi, e ka anashkaluar këtë pikë, duke u marrë vetëm me çështjen e akuzave ndaj tij.
“Kushdo që ka pretendimin më të vogël për çdo akt dhune të ushtruar në selinë e PD në Gjirokastër duke më quajtur mua me të njëjtën fjalë ‘vandal’, siç na quanin sigurimsit e shtetit dhe komunistët në dhjetor 1990, është i lutur t’i drejtohet organeve kompetente”.
Takimet, Bejko ndërkaq do t’i vijojë, sipas programit të tij dhe PD-së.
Kjo e Gjirokastrës, është thjesht çështja e radhës e një përçarje të brendshme midis demokratëve. Pavarësisht gjithçkaje, Bejko është komanduar si drejtues i ri i degës nga Basha, ndaj gëzon edhe legjitimitet për postin.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Beci: Të tronditur nga humbja e një nëne dhe tre fëmijëve, institucionet të veprojnë
-
Travel off Path: Shqipëria, destinacioni me rritjen më të shpejtë në Evropë
-
Për britaniken Express, Dhërmiu është destinacioni më i bukur evropian për pushimet 2024
Lajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel