Dhoma e ulët e Jordanisë u kthye në një arenë përleshjeje masive të martën e 28 dhjetorit.
Rrëmuja filloi kur seanca u hap me një diskutim mbi amendamentet e propozuara kushtetuese.
Në njërën prej tyre termi “gratë jordaneze” i bashkëngjitej një kapitulli të Kushtetutës mbi të drejtat dhe detyrimet e jordanezëve.
Kjo mjaftoi që një grup deputetësh të përplaseshin me grushte, pas grindjeve verbale dhe shkëmbimit të fyerjeve.
Protagonistët kryesorë ishin kryetari i Dhomës së Përfaqësuesve, Abdul Karim Dughmi dhe Zëvendës Suleiman Abu Jahya.
Dughmi u akuzua se nuk mund të drejtonte dot seancën.
Pasi seanca doli jashtë kontrollit, Dughmi, deputeti më jetëgjatë i parlamentit, iu desh të shtynte seancën për 30 minuta.
Disa deputetë, veçanërisht gratë, pretendojnë se amendamenti do të krijojë diskriminim midis jordanezëve në bazë të gjinisë.
Duke mbrojtur amendamentet, kreu i komitetit ligjor të dhomës, deputeti Abdulmunim Oddat, tha se termi “gratë jordaneze” nuk shton asnjë dispozitë të re në Kushtetutë.
Sipas Oddat, qëllimi i vetëm është krijimi i një “barazie gjuhësore”.
Por Oddat nuk ishte në gjendje të vazhdonte mbrojtjen e tij pasi shumë ligjvënës kërkuan që termi “gruaja jordaneze” të hiqet.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Osmani kërkon që BE-ja dhe NATO-ja të bëjnë “politikë të dyerve të hapura” ndaj Kosovës
-
PD-ja gati për zgjedhje, nis caktimi i drejtuesve të rinj të qarqeve
-
Varga: Rusia u përgatit për një kohë të gjatë për “frontin e dytë” në Ballkanin Perëndimor
-
Gjermani: Gjykata thotë se AfD dyshohet për ekstremizëm
Lajmet kryesore
-
PD-ja gati për zgjedhje, nis caktimi i drejtuesve të rinj të qarqeve
-
Balla çel ministerialin për Sigurinë dhe Flukset migratore përmes Ballkanit: Sfidat nuk trajtohen vetëm, kemi angazhim të plotë për bashkëpunim
-
Blinken shfaqet papritur në Kiev
-
Osmani udhëton drejt Danimarkës për Samitin e Kopenhagës për Demokraci
