Osmani kërkesë kryeministrit të Holandës: Serbisë t’i kërkohet llogari për agresionin ndaj Kosovës
Presidentja e Kosovës, Vjosa Osmani pas takimit me kryeministrin e Holandës, Mark Rutte, ka thënë se ka apeluar nga ai që t’i kërkohet llogari Serbisë për agresionin në Banjë të Zveçanit, i cili ndodhi më 24 shtator ku mbeti i vrarë polici tashmë i shpallur hero, Afrim Bunjaku.
Osmani përmes një shkrimi në platformën ‘X’ ka thënë se ia ka theksuar atij edhe kërcënimin për paqen që po bëhet nga Serbia në Kosovë.
“Theksova domosdoshmërinë për t’i kërkuar llogari Serbisë për aktin e saj terrorist dhe aktin e agresionit kundër Kosovës, i cili paraqet kërcënim për paqen dhe sigurinë në të gjithë rajonin”, ka shkruar ajo.
Një kërkesë të ngjashme, Osmani e kishte bërë edhe ndaj presidentit të Francës, Emmanuel Macron, në kuadër të samitit të Komunitetit Politik Evropian (EPC) në Granada të Spanjës, me të cilin ka diskutuar për tensionet në rritje ndërmjet Kosovës dhe Serbisë.
At EPC, I had an exchange with Dutch Prime Minister @markrutte on the security situation in our country.
Stressed the necessity to hold Serbia accountable for its terrorist act and act of aggression against Kosovo, which poses a threat to peace and security in the entire region. pic.twitter.com/8DFmOfc3D1
— Vjosa Osmani (@VjosaOsmaniPRKS) October 6, 2023
Ajo gjithashtu ka potencuar se Kosova është e përkushtuar ndaj paqes dhe stabilitetit.
“Një diskutim i rëndësishëm me presidentin francez, Emmanuel Macron, mbi zhvillimet e fundit të sigurisë në Kosovë dhe angazhimin tonë të përbashkët për paqen dhe stabilitetin e qëndrueshëm”, ka shkruar presidentja Osmani pasditen e së enjtes.
Në një prononcim para mediave para nisjes së samitit të tretë të EPC-së, presidentja Osmani ka thënë se fillimisht duhet të vendosen sanksione ndaj Serbisë, pas ngjarjeve të 24 shtatorit në fshatin Banjë të Zveçanit, pastaj të diskutohet për vazhdimin e dialogut.
Liderët e 47 vendeve evropiane do të diskutojnë për sigurinë dhe stabilitetin, energjinë dhe çështje të tjera me interes për Evropën, përfshirë situatën aktuale në Kosovë. Në margjinat e kësaj ngjarje politike, prezent është edhe Aleksandër Vuçiç, presidenti i Serbisë.
Presidentja Osmani s’ka konfirmuar takime të veçanta me liderët evropianë e as me homologun serb, porse ka shprehur optimizmin se për sulmin terrorist të 24 shtatorit në pjesën veriore të Kosovës të banuar me shumicë serbe të flasë në samitin e tretë të EPC-së.
Eskalimi në shkallë të gjerë i situatës në veriun e trazuar ka ndikuar substancialisht në bllokimin e ecurisë së procesit të dialogut që po i mbanë të zënë diplomatët perëndimorë, megjithëse Bashkimi Evropian (BE) pret pret nga palët që të rikithehen në dialog.
Përfaqësuesi i Lartë i BE-së për Politikë të Jashtme dhe Siguri, Josep Borrell, ka thënë të enjten se do të ulet “së bashku” me presidenten Osmani dhe presidentin Vuçiç, për të biseduar për kapërcimin e situatës aktuale gjatë samitit të BE-së në qytetin andaluzian.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mediat izraelite: Netanyahu rrezikon një urdhërarrest nga ICC-ja
-
A mund ta përballojë BE-ja zgjerimin me Ukrainën dhe Ballkanin?
-
Tritoli në banesën e gjyqtarit, KLGJ: Kërcënim serioz për gjithë shoqërinë
-
Përkrahja e Kurtit s’i ndihmojë VLEN-it t’i fitojë zgjedhjet, Kasami për AP: Bashkëpunimi do të vazhdojë
Lajmet kryesore
-
A mund ta përballojë BE-ja zgjerimin me Ukrainën dhe Ballkanin?
-
Tritoli në banesën e gjyqtarit, KLGJ: Kërcënim serioz për gjithë shoqërinë
-
Sa herë që jemi pranë marrëveshjes, ka sabotazh nga të dyja palët: Izraeli dhe Hamasi janë fajtorë, thotë Katari
-
Përkrahja e Kurtit s’i ndihmojë VLEN-it t’i fitojë zgjedhjet, Kasami për AP: Bashkëpunimi do të vazhdojë