Babë e bir janë dënuar për rolin e tyre në arratisjen e ish-shefit të Nissan-it, Carlos Ghosn, nga Japonia në 2019-ën.
Gjykata e Tokios dënoi veteranin e Forcave Speciale të Shteteve të Bashkuara të Amerikës (SHBA) Michael Taylor, me dy vite burg.
Djali i tij, Peter-i, u dënua me një vit e tetë muaj burg.
Dyshja u ekstradua nga SHBA-të, me pretendimin se ata ndihmuan Ghosn-in të arratisej nga Japonia në një kuti bagazhi, ndërsa priste gjyqin.
Prokurorët japonezë kishin kërkuar dy vite e 10 muaj burg për Michael Taylor dhe dy vite e gjashtë muaj për Peter-in.
Sipas prokurorëve, ata kanë orkestruar arratisjen e Ghosn-it në Liban nga aeroporti perëndimor i Japonisë “Kansai” në dhjetor të 2019-ës.
Prokurorët kanë shkuar më tej duke sugjeruar se dyshja amerikane ka marrë 1.3 milionë dollarë për shërbimet e tyre.
Të dy ishin deklaruar më parë fajtor për akuzat dhe thanë se ishin penduar për veprimet e tyre.
“Rënia e zotit të makinave”
Michael Taylor dhe djali i tij Peter bënë një betejë disa-mujore për të shmangur ekstradimin mbi çështjen, përpara se Gjykata e Lartë e SHBA-ve t’ia dorëzonte ato autoriteteve japoneze në mars.
Ish-shefi i Nissan-it është tani një i arratisur ndërkombëtar që jeton në shtëpinë e tij të fëmijërisë në Liban, i cili nuk ka asnjë traktat ekstradimi me Japoninë.
Ghosn ishte një i dënuar me kusht ndërsa priste gjyqin për katër akuza të sjelljes së keqe financiare, të cilat ai i ka mohuar.
Prokurorët e SHBA-ve e quajtën arratisjen e tij “një nga aktet më të pacipa të arratisjes në historinë e njerëzimit”.
Pas mbërritjes së tij në Liban, Ghosn tha se ai ishte një “peng” në Japoni, duke lënë një zgjedhje midis vdekjes atje ose arratisjes.
Ghosn u arrestua për herë të parë, për akuzat e sjelljes së keqe financiare në nëntor të 2018-ës.
Në një intervistë ekskluzive me agjencinë ndërkombëtare të lajmeve “BBC” të transmetuar në fillim të këtij muaji, Ghosn tregoi se si ai u maskua për t’u futur pa u vënë re nëpër rrugët e Tokios.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Komision i Posaçëm për sundimin e ligjin, Rama thirrje opozitës: Të punojmë për Shqipërinë evropiane
-
Tension në protestën e opozitës para Bashkisë së Tiranës, qytetarët heqin kordonin policor
-
Putini betohet në mandatin e tij të pestë si president
-
Kosova e Serbia s’mund të përfitojnë nga miliardat e BE-së pa i normalizuar raportet