“Nëse liria për të fotografuar dhe regjistruar jetët e të tjerëve quhet liri e shtypit atëherë këtë e kemi fituar”.
Nuk është epitaf, apo ndonjë requiem për ditën e lirisë së shtypit, po një përsiatje e gazetarit të njohur Ben Blushi, lidhur me ditën e shënjuar si “e lirisë së pushtetit të katërt”, 3 majit.
Ai në fakt e përshkruan si shumë herë kohët e fundit, me imazh më shumë se me fjalë, përçudnimin që sheh dhe shteron në mendje, rreth fenomeneve të tilla që i pikas objektivi i aparatit, të cilin e shkrep me ngjyra, por e dekoloron në hijet e medias së tij sociale Facebook.
Një foto të tillë e ka shkrepur së fundmi në Durrës dhe përmes saj, përshkruan median e sotme sipas tij, lirinë e saj, të shtypit, të absolutes ndoshta!
“Njerëzit përpiqen të ngjiten lart ndërkohë që është gjithmonë dikush që fotografon mundimin, vuajtjen, vonesën apo dështimin e tyre. Mundësia jonë për të shijuar dështimin e të tjerëve është një sukses që shpesh quhet liri shtypi”.
Kaq i mjafton për ta kornizuar situatën reale, në një botë dhe shoqëri (shqiptare mbi të gjitha), ku ka një ditë të veçantë për lirinë e shtypit, por asnjë ditë të posaçme tanimë për lirinë e vetë shoqërisë, ku të gjithë janë në sytë e të gjithëve dhe askush, nuk është në mendimet e askujt.
Dita e lirisë së shtypit për Blushin, është pikërisht kjo.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Forcat izraelite thonë se kanë nën kontroll anën lindore të Gazës, në kalimin Rafah
-
Meta mbledh Kryesinë e PL-së, merr zotim të çlirojë administratën nga korrupsioni dhe nepotizmi
-
Aksioni policor në Tepelenë zbulon shtëpinë e barit me mbi 230 rrënjë kanabis, shoqërohen 4 persona
-
Këlliçi çon Veliajn në SPAK, për lidhje me Ndrangheta-n
Lajmet kryesore
-
Kurti e di që dëmi i Zajednicës e eklipson çdo përfitim nga anëtarësimi në KiE
-
Azerbajxhani miraton heqjen e vizave me Shqipërinë
-
Osama Hamdane: Ne pranuam marrëveshjen e armëpushimit pa hequr dorë nga vijat tona të kuqe
-
Maqedonci kërkon që KFOR-i të qëndrojë në Kosovë derisa Serbia të demokratizohet