Shefi i CIA-s, William Burns, thuhet se i ka ofruar presidentit rus Vladimir Putin një të pestën e territorit ukrainas, afërsisht të barabartë me madhësinë e Donbas-it.
E gjitha për t’i dhënë fund luftës në vazhdim si pjesë e një plani paqeje të hartuar në emër të presidentit amerikan Joe Biden, sipas gazetës zvicerano-gjermane “Neue Zürcher Zeitung” (NZZ).
Sakaq, gazeta ka raportuar edhe mohimin e Shtëpisë së Bardhë lidhur me këtë plan.
Zëvendëszëdhënësi i Këshillit të Sigurisë Kombëtare Sean Davitt i ka thënë gazetës se raportimet ishin “plotësisht të rreme”.
Burns thuhet se e paraqiti planin në mes të janarit, sipas politikanëve të lartë gjermanë të cituar si burim.
Kievi ka refuzuar “sepse nuk është i gatshëm të ndajë territorin e tij”, ndërsa zyrtarët rusë kanë thënë se “do ta fitojnë luftën në planin afatgjatë gjithsesi”, ka raportuar NZZ.
Ndërkohë, SHBA-të po përgatisin mbi du miliardë dollarë ndihmë ushtarake, e cila do të përfshijë për herë të parë raketat me rreze të gjatë veprimi Glsdb.
Ndërsa presidenti ukrainas Volodymyr Zelensky i ka bërë thirrje Bashkimit Evropian që të miratojë sanksione të reja kundër Rusisë sa më shpejt.
Nga ana tjetër, Komisioni i Bashkimit Evropian prezantohet në Kiev me një paketë masash ndihme në fronte të ndryshme, të dedikuara kryesisht për lehtësimin e procesit të integrimit në BE.
Po ashtu presidentja e Komisionit ka njoftuar po ashtu krijimin në Hagë të “një qendre ndërkombëtare” për mbledhjen e provave të krimeve të luftës të kryera nga rusët.
Duket se çështja është e ndërlikuar dhe do të trajtohet edhe gjatë samitit BE-Ukrainë, i cili do të mbahet në orët e ardhshme nën kujdesin e Këshillit Evropian me pjesëmarrjen e Charles Michel, si dhe presidentit ukrainas Volodymyr Zelensky.
Ideja është krijimi i një qendre ndërkombëtare për ndjekjen penale të krimit të agresionit me qëllim të koordinimit të hetimeve.
Mburoja për të mbrojtur Kievin dhe zonat e tjera strategjike “do të jetë funksionale në territorin ukrainas brenda shtatë ose tetë javësh”.
Të paktën kështu ka deklaruar ministri i Jashtëm Antonio Tajani, teksa mes Italisë dhe Francës është në diskutim furnizimi me sistemin antiraketë Samp-T.
Marrë nga “La Stampa”, përshtatur për “Albanian Post”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Gjykata Ndërkombëtare e Krimeve mund të kërkojë arrestimin e Netanyahut, Gallant dhe Halevit
-
Vdiq Ali Lajçi – ikona e “Pranverës ‘81”
-
Martens: Berlini e Parisi synojnë ta shtyjnë votimin për anëtarësimin e Kosovës në Këshillin e Evropës
-
Ahmeti, Mickoski-t për “emisarët”: Kristijan, kam hyrë në politikë si kryengritës, s’dal puthadorë
Lajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”