Trajneri i ri i Tottenham-it, Nuno Espirito Santo-s ka kërkuar që të ketë në ekip ish-lojtarin e tij te Wolverhampton-i, Adama Traore-n.
Nuno i ka shprehur dëshiren e tij pronarit të klubit, Daniel Levy-t, pasi e shikon spanjollin si një përforcim të duhur për të rritur cilësinë e skuadrës.
Sipas gazetës britanike “Daily Mail”, Tottenham-i po mendon për Traore-n, por ata mund ta nënshkruajnë atë vetëm nëse Harry Kane do të largohet.
Për 25-vjeçarin, Wolves-i pagoi 20 milionë euro në 2018 te skuadra e Middlesbrough. Ndërkohë, Spurs thuhet se janë të gatshëm të ofrojnë edhe 30 milionë euro më shumë se sa u ble spanjolli nga “Ujqërit”.
Sezonin e fundit në Premier League, Traore luajti 38 ndeshje, ku shënoi dy gola dhe dhuroi tre asiste. Ai shquhet për forcën e madhe fizike dhe shpejtësinë.
Nuno pritet të ketë dy alternativa të mira për krahun e djathtë, pasi në atë pozicion luan edhe Lucas Moura, një lojtar shumë teknikë dhe me cilësi të mëdha.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Ahmeti për Mickoskin: Gjuajti me fishekzjarrë, unë me top dhe s’ka më të shtëna
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Zgjedhjet Evropiane, dilema e Melonit mes PPE dhe Salvinit
-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel
